Hujumchi Rodrigo faoliyatini Angliyada davom ettirishi mumkin. Bu haqida Euro-football.ru xabar berdi.
Mashhur futbol yangiliklari jurnalisti Fabrizio Romano xabariga ko‘ra, “Manchester Siti” Rodrigo futbolchini “Real”dan sotib olishga harakat qiladi. Biroq bu transfer faqatgina Savio jamoani tark etsa amalga oshiriladi.
Hozircha Savioning “Manchester Siti”dan ketishi haqida rasmiy ma’lumot yo‘q. “Tottenxem” klubi 21 yoshli braziliyalik Savio uchun dastlabki taklifini bergan, ammo bu summa “Manchester Siti”ning futbolchi uchun belgilagan narxidan ancha past.
Shu sababli, hozircha Savioning transferi yuzasidan kelishuvga erishilmagan. Fabrizio Romano, shuningdek, “Manchester Siti” “Monako” klubi futbolchisi Magnes Akliushni transfer qilishni rejalashtirmayotganini ham ta’kidlagan.
Klub asosan Rodrigo transferiga e’tibor qaratadi va agar Savio tarkibdan ketsa, Rodrigo uchun muzokaralar boshlab yuboriladi. Ma’lumotlarga ko‘ra, 24 yoshli Rodrigo transfer qiymati Transfermarkt portali tomonidan 90 million yevro atrofida baholangan.
Shu sababli, uning transferi bo‘yicha muzokaralar oson kechmasligi mumkin. Hozircha barcha e’tibor Savioning kelajagiga qaratilgan.
