Tottenhem Savioni transferi uchun yana taklif beradi
Tottenhem futbol klubi Manchester Siti tarkibida to‘p surayotgan Savio ismli qanot hujumchisini o‘z safiga qo‘shib olish niyatidan voz kechgani yo‘q. Bu haqida Euro-football.ru xabar berdi.
Avvalroq Manchester Siti rahbariyati Tottenhem tomonidan berilgan taklifni rad etgan edi. Sababi, Manchester Siti Savioni faqatgina 50 million funt sterlingdan (taxminan 58 million yevro) kam bo‘lmagan narxda sotish niyatida.
Daily Mail nashrining xabariga ko‘ra, Tottenhem yaqin orada Savioni sotib olish uchun yana bir bor harakat qiladi. 21 yoshli futbolchi Manchester Siti tarkibida o‘zining asosiy tarkibdagi o‘rniga ishonch hosil qila olmayapti.
Shu sababli, u London jamoasiga o‘tsa, asosiy tarkib futbolchisiga aylanishi mumkinligini yaxshi tushunadi. Ma’lumotlarga ko‘ra, Savio Manchester Siti safida jami 48 rasmiy o‘yinda maydonga tushgan.
U shu vaqtgacha 3 ta gol urgan va jamoadoshlariga 13 marta golli uzatma bergan. Tottenhem Savioni transfer qilish orqali o‘z hujum chizig‘ini kuchaytirishni maqsad qilgan.
