Jovanni Leoni transferida Liverpul raqiblarini ortda qoldirdi

"Liverpul" klubi 18 yoshli himoyachi Jovanni Leoni uchun kurashda g‘olib chiqdi. Bu haqida Euro-football.ru xabar berdi.

U hozirda Italiyaning "Parma" jamoasida to‘p suradi. Dastlab, ushbu yosh va istiqbolli markaziy himoyachini qo‘lga kiritish uchun "Yuventus", "Inter" va "Milan" klublari asosiy da’vogarlar sifatida ko‘rilgan edi.

Biroq yaqinda "Liverpul" ham Leoni bilan qiziqa boshlagani ma’lum bo‘ldi va tez orada futbolchini hamda uning klubini o‘z taklifiga ko‘ndira oldi. Jurnalist Pol Joisning ma’lumotiga ko‘ra, Angliyaning "Manchester Yunayted" va "Nyukasl" klublari ham Leoni transferi borasida o‘z imkoniyatlarini ko‘rib chiqqan.

Jovanni Leoni o‘zi bergan intervyularida Virjil van Deyk uning sevimli futbolchisi ekanini ta’kidlagan. Bu omil ham uning tanloviga ta’sir qilgan bo‘lishi mumkin.

Yosh italiyalik himoyachining transferi "Liverpul" klubiga 35 million yevroga tushadi. Klub rahbariyati Leoni kelajakda asosiy tarkibdan o‘rin olishi va jamoa himoyasini mustahkamlashiga umid qilmoqda.

Shu tariqa, "Liverpul" Yevropaning boshqa kuchli klublari bilan raqobatda ustunlikka erishdi.