Rossiya terma jamoasi sobiq futbolchisi Dmitriy Alenichev “Spartak” jamoasining bosh murabbiyi Dejan Stankovichning ishdan bo‘shatilishi mumkinligi haqida fikr bildirdi. Bu haqida Euro-football.ru xabar berdi.
Alenichevning aytishicha, Stankovichning ruhiy holati unga yoqmayapti va u “Spartak”dan charchagan ko‘rinadi. Shuningdek, murabbiyning ishini davom ettirishga ehtiyoj sezmayotgani yoki futbolchilar uning g‘oyalarini qabul qilmayotgani mumkin.
Joriy mavsumda Rossiya Premyer Ligasi doirasida “qizil-oq” jamoa 2011 yildan beri eng yomon startni ko‘rsatdi. Moskva jamoasi to‘rt o‘yindan faqat bittasini yutishga muvaffaq bo‘ldi va hozirda turnir jadvalida 11-o‘rinda turibdi.
16 avgust kuni “Spartak” Rossiya chempionatining beshinchi turida “Zenit” jamoasiga qarshi maydonga tushadi. O‘yinning boshlanish vaqti Moskva vaqti bilan soat 17:30 da belgilangan.
