Manchester Yunayted Sanchoni Romaga sotishga tayyor
Manchester Yunayted jamoasi 25 yoshli qanot hujumchisi Jedon Sanchoni Roma klubiga sotishga rozi bo‘ldi. Bu haqida Euro-football.ru xabar berdi.
Rim klubi ilgari futbolchi uchun 20 million funt sterling taklif qilgan, shuningdek, Roma ijara asosida keyinchalik sotib olish huquqi bilan ham variantni ko‘rib chiqmoqda. Mashhur jurnalist Fabrizio Romano ma’lumotiga ko‘ra, Manchester Yunayted Sanchoni ko‘rsatilgan narxda sotishga tayyor, biroq yakuniy qaror futbolchining o‘ziga bog‘liq.
Jedon Sancho haftaning boshidan beri muzokaralarga ochiq bo‘lib, tomonlar hozircha shaxsiy shartnoma shartlarini kelishishmoqda. O‘tgan mavsumda futbolchi Chelsea klubida ijarada bo‘lib, jami 42 o‘yinda maydonga tushib, 5 ta gol urishga muvaffaq bo‘lgan.
Hozircha transfer jarayoni davom etmoqda va tomonlar kelishuvga erishishga harakat qilmoqda.
