Liverpool klubi Semenyoga nisbatan irqchilikni qattiq qoraladi
Bormut jamoasi futbolchisi Antuan Semenyo Angliya Premyer Ligasi birinchi turida Liverpulga qarshi o‘yinda (2:4) Enfild stadionida irqchilik haqoratlariga duch keldi. Bu haqida Euro-football.ru xabar berdi.
Keyinchalik ma’lum bo‘lishicha, maydon egalarining bir muxlisi, nogironlar aravachasida bo‘lgan shaxs, o‘yinning davomida raqib jamoa futbolchisiga nisbatan irqchilikka oid so‘zlar ishlatgan. O‘yin tanaffusida stadion xodimlari ushbu shaxsni maydondan chiqarib yuborgan.
Hodisa yuzasidan politsiya tomonidan tergov boshlandi. Liverpul klubi irqchilik va kamsitishning har qanday ko‘rinishini qat’iyan rad etishini bildirgan.
Bunday holatlar na futbol maydonida, na jamiyatda o‘rin olmasligi ta’kidlangan. Hozirda klub voqea bo‘yicha qo‘shimcha izoh bermayapti, chunki masala politsiya tergovi bosqichida bo‘lib, ular tergovni to‘liq qo‘llab-quvvatlamoqda.
Bu voqea sport va jamiyatda irqchilikka qarshi kurashish zarurligini yana bir bor ko‘rsatdi. Futbol maydonida adolat va hurmat tamoyillariga rioya qilish muhim hisoblanadi.
