Nottingem Forest klubi Fransiyaning Renn jamoasidan 23 yoshli hujumchi Arno Kalimuendo transferi bo‘yicha kelishuvga erishdi. Bu haqida Euro-football.ru xabar berdi.
Ushbu bitimning umumiy summasi 31,5 million yevroni tashkil etadi. Yaqin kunlarda futbolchi shartnoma imzolashdan oldin tibbiy ko‘rikdan o‘tadi.
O‘tgan mavsumda Kalimuendo Renn jamoasining eng yaxshi to‘purariga aylandi. U Fransiya chempionatining 33 o‘yinida 17 ta gol urib, 3 ta golga uzatma berdi.
Hujumchi so‘nggi uch mavsum davomida aynan Renn jamoasida to‘p surdi. Nottingem Forest jamoasi o'tgan Angliya Premer Ligasi mavsumini 65 ball bilan yettinchi o‘rinda yakunladi.
Klub yangi mavsumga kuchli tarkib bilan tayyorgarlik ko‘rmoqda va Kalimuendo jamoaga sezilarli hissa qo‘shishi kutilmoqda.
