Kilian Mbappe ajoyib sport formasida. Chorshanba kuni fransiyalik hujumchi "Real" safida "Manchester City"ga qarshi uy o‘yinida xet-trik qayd etdi. Endilikda Mbappening Chempionlar Ligasi doirasida "shaharliklar" darvozasiga urgan gollari soni yettiga yetdi.
Squawka ma’lumotlariga ko‘ra, ilgari faqat bitta futbolchi Chempionlar Ligasida "Manchester City" darvozasiga shuncha gol urgan – bu Lionel Messi. Argentinalik futbolchi ham ushbu musobaqada "shaharliklar" darvozasini yetti bor ishg‘ol qilgan.
Qiziq tomoni shundaki, Mbappe "Manchester City" darvozasiga Chempionlar Ligasida uch xil jamoa safida gol urgan – "Monako", "PSJ" va "Real Madrid".
Mbappe Chempionlar Ligasida Messining natijasini takrorladi
👍 0❤️ 0😂 0😢 0😡 0
