Chempionlar ligasi finalida g‘alaba qozonish ehtimoli yuqori klub "Inter"mi yoki PSJ?
Yevropa futbolidagi eng nufuzli musobaqa — UYEFA Chempionlar ligasining hal qiluvchi final bahsi oldidan turli tahlilchi platformalar o‘z prognozlarini e’lon qilmoqda. Xususan, “Opta” nomli statistik va tahliliy resursning superkompyuteri final natijasini oldindan baholadi.
Unga ko‘ra, g‘alaba qozonish ehtimoli eng yuqori bo‘lgan jamoa — Fransiyaning PSJ klubi. Parijliklar 53,7% imkoniyat bilan final favoriti sifatida ko‘rsatilmoqda. Ularning raqibi — Italiyaning mashhur va tajribali “Inter” klubi esa 46,4% g‘alaba ehtimoli bilan ikkinchi o‘rinda turibdi.
PSJ finalga yo‘l olish uchun Angliyaning “Arsenal” jamoasini ikki o‘yin natijasiga ko‘ra ishonchli tarzda mag‘lub etdi — umumiy hisobda 3:1. Bu jamoaning keyingi yillardagi eng muvaffaqiyatli xalqaro chiqishlaridan biri sifatida baholanmoqda.
Milanning “Inter” klubi esa “Barselona”ga qarshi dramatik duelda final yo‘llanmasini qo‘lga kiritdi. Birinchi o‘yinda 3:3 hisobidagi durangdan so‘ng, javob uchrashuvida 4:3 hisobida g‘alaba qozonib, to‘rt yillik finalsizlikka barham berdi.
Ushbu final PSJ uchun tarixiy ahamiyatga ega. Chunki klub haligacha Chempionlar ligasi finalida g‘alaba qozonmagan va bu — birinchi sovrin bo‘lishi mumkin. Ularning so‘nggi yillardagi transfer siyosati, moliyaviy salohiyati va jamoaviy tarkibi aynan shunday natijaga qaratilgan.
Boshqa tomondan, “Inter” bunday sovrinni avval 3 marta yutib bo‘lgan — 1964, 1965 va 2010 yillarda. Joze Mourino boshchiligidagi so‘nggi chempionlikdan beri jamoa yana elitaga qaytishni vada qilgandi — va endi bu va’da amalga oshishi mumkin.
Final nafaqat klublar, balki futbolchilar, murabbiylar va butun fanatlar uchun ulkan ma’noga ega. Optaning prognozlari raqamlarda o‘z ifodasini topgan bo‘lsa-da, futbolda har qanday kutilmagan vaziyat o‘z so‘zini aytishi mumkin.
31 may kungi final bahsida kim g‘oli chiqadi — tajribaga boy “Inter”mi yoxud ilk bor Yevropa taxtiga intilgan PSJmi? Javob endi tarix sahifalariga yoziladi.
