Boks olami yana bir katta va tarixiy jangga tayyorlanmoqda — amerikalik chempion Terens Krouford hamda meksikalik super yulduz Saul “Kanelo” Alvares o‘rtasidagi bellashuv millionlab muxlislar e’tiborida. Ikki chempion o‘rtasidagi to‘qnashuv 13 sentyabr kuni Las-Vegasdagi mashhur arenalardan birida bo‘lib o‘tadi va katta shavq-u shovqin bilan o‘tadi, degan umid bor.
Terens Krouford o‘zining matbuotga bergan intervyusida bu jangga bo‘lgan ishonchi va intilishini ochiq bildirdi. “Men dunyoning eng zo‘r bokschisiman. Benuqson rekordim va 41 g‘alabam, 31 nokautim shuni tasdiqlaydi. 13 sentyabrda Saulni mag‘lub etib, o‘z ustunligimni butun dunyoga yana bir bor namoyon qilaman”, — dedi amerikalik mahoratli sportchi.
Ma’lumot uchun, Krouford hozircha professional ringda mag‘lubiyat ta’mini totmagan yagona chempionlardan biri. Uning raqibi — Saul Alvares esa 62 g‘alaba, 2 mag‘lubiyat va 2 durang natijasi bilan jahon boksining haqiqiy yulduzi sifatida tanilgan. Shuning uchun ham, bu to‘qnashuv jahon boks jamoatchiligida katta qiziqish uyg‘otgan.
Boks ekspertlari va muxlislar bu janga alohida e’tibor qaratayotgani bejiz emas. Chunki, har ikki bokschi ham o‘z vazn toifasining kutilgan va sinovdan o‘tgan chempionlari sanaladi. Ular jahon ro‘yxatining yuqori pog‘onalarida mustahkam o‘rin egallagan. Bu esa, 13 sentyabr kuni Las-Vegasdagi to‘qnashuvni yilning eng katta boks voqealari qatoriga qo‘shadi.
Jang kuni yaqinlashar ekan, har ikki bokschi ham mashg‘ulotlarni yanada kuchaytirmoqda. OAVda tarqalgan xabarlarga ko‘ra, Krouford va Alvaresning jamoalari har bir jihatga e’tibor beryapti — tayyorgarlik, strategiya, ruhiy tayyorlik va albatta muxlislar qo‘llab-quvvati.
Qayd etish joizki, bu jang nafaqat unvonlar, balki ikki bokschi obro‘si va nufuzi uchun ham jiddiy sinovga aylanadi. G‘olib nafaqat millionlab muxlislarning olqishiga, balki professional boksda yangi sahifa ochish imkoniga ega bo‘ladi.
Boks dunyosi esa 13 sentyabr kuni Las-Vegasda bo‘lib o‘tadigan ushbu ulkan jang natijasini katta qiziqish bilan kutmoqda. Yana bir tarixiy to‘qnashuvga guvoh bo‘lishga tayyorlaning!
