Angliya Premyer Ligasi o'yinchilar bilan jonli suhbat qiladi
Angliya Premer Ligasi televideniye translyatsiyalarining formatida inqilobiy o‘zgarishlarni tayyorlamoqda. Bu haqida Euro-football.ru xabar berdi.
The Telegraph nashrining xabar berishicha, yangi mavsumdan boshlab muxlislar o‘yinni yanada jonli va yaqin burchakdan tomosha qilish imkoniga ega bo‘ladi. Eng asosiy yangiliklardan biri futbolchilarga ularni almashtirish paytida, ya’ni o‘yin tugashidan oldin intervyu olish imkoniyatining paydo bo‘lishidir.
Sky Sports va TNT Sports telekanallari tomoshabinlari maydon chetida birinchi taassurotlarni tinglashlari mumkin bo‘ladi, futbolchilar hali ham o‘yin qizg‘inligidan chiqmagan paytda. Bundan tashqari, teleoperatorlarga kengaytirilgan vakolatlar beriladi. Kameralarga maydon yuzasiga kirib, gol nishonlanishini yaqin planda yoritish ruxsat etiladi.
Shuningdek, jurnalistlar jamoalarning kiyinish xonalariga ham kirish imkoniga ega bo‘lishadi. Biroq, bu faqat o‘yin boshlanishidan oldin va tanaffuslarda amalga oshiriladi.
Asosiy murabbiylarning nutqlari esa videoga olinmaydi va yopiq qoladi. Ushbu o‘zgarishlar tomoshabinlarga o‘yindan yanada chuqurroq va qiziqarli tajriba taqdim etishga qaratilgan.
Premer Liga teleko‘rsatuvlarining yangi formati ko‘plab muxlislarning e’tiborini qozonishi kutilmoqda.
