Neymar to‘pini o‘g‘irlagan shaxsga 17 yil qamoq jazosı berildi
Braziliyada 2023 yil boshida siyosiy to‘ntarishga uringan guruh a’zosi Nelson Ribeiro Fonseka Juniyorga hukm o‘qildi. Bu haqida Euro-football.ru xabar berdi.
U va uning hamkasblari mamlakatda siyosiy beqarorlik yaratishga harakat qilishgan edi. Ushbu guruh ekstremistik harakatlarni amalga oshirishga urindi.
Sud jarayonida aniqlanishicha, ular milliy barqarorlikka jiddiy tahdid solgan. Namoyishlar davomida jinoyatchilar Braziliya Milliy Kongressi binosidan 2012 yilda "Santus" klubi yuz yilligi munosabati bilan mamlakat prezidenti uchun Neymar tomonidan sovg‘a qilingan futbol to‘pini o‘g‘irlab olishgan.
To‘p futbolchining imzosi bo‘lganligi bilan ahamiyatli edi. Qiziqarli jihati shundaki, ushbu to‘pni o‘g‘irlagan shaxs uni bir oy o‘tib o‘z ixtiyori bilan politsiyaga topshirdi.
U buni boshqa vandal do‘stlaridan to‘pni saqlab qolish maqsadida qilganini aytdi. Shu bilan birga, sud unga 17 yil ozodlikdan mahrum qilish jazosini tayinladi.
Bu esa uning so‘zlari huquqni muhofaza qiluvchi organlarga katta ta’sir ko‘rsatmaganini ko‘rsatadi. Vaziyat Braziliyada siyosiy va ijtimoiy muhitning qanchalik tarang ekanini yana bir bor isbotladi.
