Real Xabi Alonso rahbarligida Rodrigoni sotishga tayyorlanmoqda

"Real" jamoasining hujumchisi Rodrigoning kelajagi hali aniq emas va shu sababli ko‘p muhokamalarga sabab bo‘lmoqda. Bu haqida Euro-football.ru xabar berdi.

Braziliyalik futbolchi jahon klublar chempionatining birinchi turida "Al-Xilal"ga qarshi o‘yinda 65 daqiqa maydonda bo‘ldi. Shundan so‘ng u "Red Bull Zaltsburg"ga qarshi o‘yinda 23 daqiqa o‘ynadi, ammo "Pachuka" va "Yuventus"ga qarshi o‘yinlarda maydonga tushmadi.

The Athletic nashrining Madrid klubi manbalariga tayanib bergan xabariga ko‘ra, "Real" va bosh murabbiy Xabi Alonso yozgi transfer oynasida Rodrigoni sotishga tayyor. 24 yoshli Rodrigoga Londonning "Arsenal" klubi qiziqish bildirmoqda.

Transfermarkt portali futbolchini 90 million yevroga baholamoqda. Oldinroq Rodrigoning "Realdagi" cheklangan o‘yin vaqti uni kelasi yil Braziliya terma jamoasi safida Jahon chempionatida ishtirok etish imkoniyatidan mahrum qilishi mumkinligi haqida xavotirlari haqida ma’lumotlar tarqalgandi.

Shunday qilib, futbolchining kelajagi va transfer ehtimoli hali ham dolzarb mavzu hisoblanadi.