«Al-Xilol» jamoasining bosh murabbiyi Simone Indzagi jamoadan voz kechishni rejalashtirayotgan to‘rt legionerni aniqladi. Bu haqida Euro-football.ru xabar berdi.
Ular orasida sobiq «Zenit» futbolchisi Malkom, shuningdek, Renan Lodi, Kayu Sezar va Aleksandr Mitrovich bor. Bu haqda Aawsat nashri xabar berdi.
Indzagi bunday qarorga jahon klublar chempionati natijalari asosida keldi. Mazkur musobaqada uning jamoasi chorak finalgacha yetib bordi, ammo braziliyalik «Fluminense»ga mag‘lub bo‘ldi.
Avvalroq «Zenit» Malkomni qayta jamoaga olib kelishga urinayotgani haqida ma’lumotlar tarqalgandi. Buning uchun «Zenit» 22 million yevro to‘lashga tayyor.
Indzagi yozda «Inter»dan ketib, «Al-Xilol» bosh murabbiyi lavozimiga o‘tgan. U «Inter»ni Chempionlar Ligasi finaligacha olib borgan edi.
Endilikda u yangi jamoasini kuchaytirish va muvaffaqiyatlarga erishish maqsadida tarkibni yangilamoqda.
