Manchester Yunayted Mbeumo transferini davom ettirmoqda

Brentford jamoasining qanot hujumchisi Brayan Mbeumo hozircha klubda qolmoqda. Bu haqida Euro-football.ru xabar berdi.

Mashhur insayder Fabrisio Romano xabariga ko‘ra, Manchester Yunayted jamoasi Mbeumoni sotib olishga hali ham katta e'tibor qaratmoqda. Kelasi hafta muzokaralar davom ettirilishi rejalashtirilgan.

O‘tgan hafta tomonlar o‘rtasida kelishuvga erishilmadi, biroq Manchester Yunayted ushbu bitim ustida ishlashni davom ettirishga tayyor va bu masalani ustuvor deb biladi. 25 yoshli Mbeumo o‘tgan mavsum Angliya Premer Ligasi doirasida 38 o‘yinda maydonga tushib, 20 ta gol urishga muvaffaq bo‘ldi, shuningdek, 9 ta golga assistentlik qildi.

Transfermarkt sayti ma’lumotlariga ko‘ra, uning bozor qiymati taxminan 55 million yevroga teng. Mbeumoning jamoada qolishi yoki yangi klubga o‘tishi haqida qaror yaqin kunlarda aniq bo‘lishi kutilmoqda.

Futbolchining faoliyati jamoaning kelgusi mavsumdagi natijalariga sezilarli ta’sir ko‘rsatishi mumkin.