Parijning "PSJ" jamoasi bosh murabbiyi Luis Enrique Jahon klublar chempionati yarim finalida Madriddagi "Real" jamoasiga qarshi o‘tkazilgan o‘yinda 4:0 hisobida qozonilgan g‘alaba haqida fikrlarini bildirdi. Bu haqida Euro-football.ru xabar berdi.
Unga ko‘ra, jamoa o‘yinning dastlabki 24 daqiqasida uchta gol urib, raqib uchun imkoniyat qoldirmadi. Bu gollarni Fabian Ruiz ikkita va Usmon Dembele bittasi kiritdi.
O‘yinning 87-daqiqasida esa Gonsalu Ramuş yakuniy hisobni belgiladi. Enrique matbuot anjumanida shunday dedi: "Biz tarixiy natijaga juda yaqin turibmiz.
Agar g‘alaba qozonsak, birinchi fransuz jamoasi bo‘lib barcha sovrinlarni qo‘lga kiritamiz. Men uchun bu yerda ishlash katta sharaf.
Klub prezidenti va butun sport jamoasi tomonidan qo‘llab-quvvatlanayotganimni his qilaman. Biz barchamiz yagona maqsadga erishish yo‘lida birlashganmiz.
Hech qachon bunday darajaga yetishimiz mumkin deb o‘ylamagan edik." Finalda "PSJ" Londonning "Chelsi" jamoasi bilan to‘qnashadi. Ushbu o‘yin yakshanba kuni bo‘lib o‘tadi.
