Sobiq “Liverpul” futbolchisi va hozirda mutaxassis sifatida faoliyat yuritayotgan Jeymi Karrager klub futboli bo‘yicha jahon chempionatining yarim final uchrashuvi haqida fikr bildirdi. Bu haqida Euro-football.ru xabar berdi.
Unda “PSJ” va “Real” klublari o‘rtasidagi o‘yinda fransuzlar jamoasi “qirollik” klubi hisobiga 4:0 hisobida g‘alaba qozondi. Mutaxassis ijtimoiy tarmoqlarda “PSJ” jamoasining o‘yini haqida “Ularning o‘yinini tomosha qilish, Gvardiola boshqaruvidagi “Barselona”ni ko‘rishga o‘xshaydi.
Bu jamoaga eng yaxshi maqtov so‘zlarini topa olmayapman”, deb yozdi. Kecha erishilgan g‘alabadan so‘ng, Parijning “PSJ” jamoasi klub futboli bo‘yicha jahon chempionatining finaliga chiqdi.
Ushbu turnir AQShda o‘tkazilmoqda. Yakuniy o‘yinda Luis Enrike boshchiligidagi jamoa Londonning “Chelsi” klubi bilan to‘qnash keladi.
Uchrashuv 13 iyul, yakshanba kuni bo‘lib o‘tadi.
