Payshanba kuni Rossiya Futbol Ittifoqi intizom qo‘mitasi “Torpedo” klubini Rossiya premer-ligasidan chetlashtirish to‘g‘risida qat’iy qaror qabul qildi. Bu haqida Euro-football.ru xabar berdi.
Moskva klubi bahor oylarida kelishilgan o‘yinlarni tashkil etishga uringanligi uchun jazolandi. Qo‘mita qaroriga ko‘ra, ushbu ishda uchta o‘yin ishtirok etgan.
Endi Rossiya Futbol Ittifoqi ijroiya qo‘mitasi yangi mavsumda premer-liganing o‘n oltinchi ishtirokchisini aniqlashi kerak bo‘ladi. Shu bilan birga, yangi chempionatda jamoalar soni 15 ta bo‘lishi mumkinligi ko‘rib chiqilmaydi.
Bu haqda “Match TV” xabar bermoqda. Rossiya premer-ligasida o‘rin olish uchun asosiy nomzodlar sifatida “Orenburg” va “Ural” klublari ko‘rilmoqda.
“Orenburg” joriy mavsumda premer-ligadan 15-o‘rinda chiqib ketgan bo‘lsa, “Ural” esa ikkinchi divizionda to‘rtinchi o‘rinni egallab, keyingi o‘yinlarda “Ahmat”ga imkoniyatni boy bergan. Hozirda tashkilot ushbu vaziyatni hal qilib, yangi mavsumda qatnashadigan klublar ro‘yxatini yakunlashi kutilmoqda.
