Rossiya Premyer Ligasi yana 15 jamoadan iborat bo‘lib qoldi. Bu haqida Euro-football.ru xabar berdi.
"Torpedo" jamoasi kelishilgan o‘yinlarni tashkil etishga urinishlari sababli yuqori diviziondan chetlatildi. Endi Rossiya Futbol Ittifoqi ijroiya qo‘mitasining yoz davomida ikkinchi marta Premyer Ligaga 16-jamoani aniqlashi lozim.
Aniq nomzodlar sifatida "Orenburg" va "Ural" jamoalari ko‘rilmoqda. Mashhur sharhlovchi Georgiy Cherdantsev 16-jamoani tanlash borasidagi fikrlarini bildirdi.
U fikricha, adolatli qaror sifatida "Orenburg" va "Ural" jamoalari o‘rtasida o‘tkaziladigan o‘yin orqali keyingi qatnashchini aniqlash maqsadga muvofiq bo‘ladi. Cherdantsevning so‘zlariga ko‘ra, ikkala jamoa ham mavsumga tayyorgarlik ko‘rmoqda, shuning uchun ular o‘rtasida o‘tkaziladigan o‘yin g‘olibi Rossiya Premyer Ligasi tarkibiga qo‘shilishi kerak.
Rossiya chempionati 18 iyul kuni boshlanadi. Shu kuni Moskva "Dinamo" jamoasi o‘z maydonida "Baltika" bilan bellashadi.
Yangi mavsumda jamoalar o‘rtasidagi kurash qiziqarli va jozibali bo‘lishi kutilmoqda. Premyer Liga tarkibining to‘liq shakllanishi va yangi mavsum boshlanishi muxlislar uchun katta qiziqish uyg‘otmoqda.
