Parijning PSJ jamoasi bosh murabbiyi Luis Enrique Jahon klub chempionati finalidagi raqibi Chelsi jamoasi haqida fikrlarini bildirib o‘tdi. Bu haqida Euro-football.ru xabar berdi.
Unga ko‘ra, Chelsi jamoasi yuqori saviyada o‘ynaydi va oson g‘alaba kutish noto‘g‘ri bo‘ladi. Final o‘yini yakshanba kuni bo‘lib o‘tadi.
Parijliklar asosiy favorit hisoblanadi, biroq ispaniyalik mutaxassis raqib jamoani juda kuchli deb baholadi. Enrique Chelsi jamoasining ayniqsa o‘yin uslubi va texnik jihatdan yuqori darajada ekanini ta’kidladi.
Ularning asosiy quroli himoyada bosim o‘tkazish ekanligi va bu jihatdan PSJga o‘xshashligini aytdi. Murabbiyning so‘zlariga ko‘ra, bu o‘yin jismoniy jihatdan ham kuchli raqibga qarshi kechadi, shuning uchun oson bo‘lmaydi.
Final uchrashuvi Moskva vaqti bilan soat 22:00da boshlanadi. Bu bellashuv tomoshabinlar uchun qiziqarli va kuchli raqobatga boy bo‘lishi kutilmoqda.
