Kompani Luis Dias bilan transfer bo‘yicha gaplashdi
Bavariya jamoasining bosh murabbiyi Vensan Kompani o‘z jamoasining tarkibini kuchaytirish bo‘yicha ishlar bilan shug‘ullanmoqda. Bu haqida Euro-football.ru xabar berdi.
Sport Bild nashrining xabar berishicha, yaqinda Kompani Liverpulning qanot hujumchisi Luis Dias bilan videoaloqa orqali muloqot qilgan. Bavariya murabbiyi kolumbiyalik futbolchi bilan uning yaqin orada jamoani almashtirishi mumkinligi haqida suhbatlashgan.
Ma’lum qilinishicha, 28 yoshli Dias o‘zining yangi jamoaga o‘tishiga rozilik bergan. Futbolchi Liverpul klubiga Myunxenga ko‘chib o‘tishni istayotganini allaqachon ma’lum qilgan.
Transfermarkt portali Luis Diasning bozor qiymatini 70 million yevroga baholagan. Hozirda futbolchining Liverpul bilan amaldagi shartnomasi 2027 yil o‘rtalarigacha, ya’ni yana ikki mavsum davom etadi.
Jamoalar o‘rtasida kelishuvlar davom etmoqda va kelgusida rasmiy transfer e’lon qilinishi kutilmoqda.
