Futbol agenti Kurt Morsink o‘z nazoratidagi futbolchi Manfred Ugalde bo‘yicha avvalgi muzokaralar haqida fikr bildirdi. Bu haqida Euro-football.ru xabar berdi.
Uning so‘zlariga ko‘ra, «PSJ» jamoasi bilan jiddiy muzokaralar olib borilgan. Moliyaviy adolat qoidalari va Rossiya bilan bog‘liq vaziyat sababli, futbolchini xarid qilishga qodir jamoalar soni cheklangan.
Parijliklar va «Feyenoord» Rossiyadagi klub bilan muzokaralar olib borish uchun ruxsat olgan. O‘tgan mavsumda 23 yoshli Kostarikalik hujumchi «Spartak» jamoasi safida Rossiya chempionatining eng yaxshi to‘purariga aylandi va 17 ta gol urdi.
Barcha musobaqalarni hisobga olganda, u 36 o‘yinda 18 ta gol urib, 6 ta golga uzatma berdi. Ugaldening bozor qiymati taxminan 15 million yevroga teng.
Kurt Morsinkning fikricha, futbolchining kelajagi haqida muzokaralar davom etmoqda va bu jarayon ehtiyotkorlik bilan olib borilmoqda.
👍 0❤️ 0😂 0😢 0😡 0
