Saudiya Arabistonidan bo‘lgan investorlar braziliyalik futbolchi Vinisius Zuniorning "Al-Ahli" klubiga o‘tishi bilan qiziqish bildirmoqda. Bu haqida Euro-football.ru xabar berdi.
TalkSPORT nashrining xabar berishicha, ushbu maqsadga erishish uchun saudiyaliklar 350 million yevro to‘lashga tayyor. Shuningdek, futbolchining shaxsiy shartnomasi besh yilga mo‘ljallangan bo‘lib, uning qiymati 1 milliard yevroni tashkil etadi.
Hozirda Vinisius "Real" klubi bilan 2027 yilda tugaydigan shartnomani yangilash bo‘yicha muzokaralarni to‘xtatgan. O‘tgan mavsumda 25 yoshli braziliyalik futbolchi 58 o‘yinda 22 gol urib, 19 golga uzatma qilgan.
Hozirgacha rekordli transfer braziliyalik Neymarning 2017 yilda "Barselona"dan "PSJ"ga 222 million yevro evaziga o‘tishi hisoblanadi. Ushbu holat Vinisius Zuniorning faoliyatidagi yangi sahifa sifatida qaralmoqda.
