Jud Bellingem jarrohlikdan so‘ng tiklanmoqda
Real jamoasining yarim himoyachisi Jud Bellingem yelkasidagi muammo sabab jarrohlik amaliyotidan o‘tdi. Bu haqida Euro-football.ru xabar berdi.
Ingliz futbolchisi hozirda kasalxonadan olingan suratini ijtimoiy tarmoqlarda e’lon qilib, unga izoh berdi. U o‘z minnatdorchiligini Endryu Uollis va Syuzan Aleksandr hamda ularning jamoasi va klinika xodimlariga amaliyot va mehmondo‘stlik uchun bildirdi.
Shuningdek, Ivan Ortega va doktor Leyesga kelib, uni qo‘llab-quvvatlagani uchun rahmat aytdi. Bellingem barcha yaxshi tilaklar va mehr-muhabbat uchun ham minnatdor ekanligini ta’kidladi.
Uning so‘zlariga ko‘ra, tiklanish jarayoni allaqachon boshlandi va yaqin vaqt ichida yana maydonga qaytadi. Oldinroq ommaviy axborot vositalarida Jud Bellingemning sog‘lig‘i tiklanishi uchun taxminan 10 dan 12 haftagacha vaqt kerak bo‘lishi haqida xabarlar tarqalgan edi.
Shu sababli, Real jamoasi 2025/2026 yilgi mavsumning dastlabki qismida ingliz futbolchisiz o‘ynashi kerak bo‘ladi. Bu esa jamoaning tarkibida muhim o‘zgarishlar yuz berishini anglatadi.
Futbolchi tez orada sog‘ayib, maydonga qaytishini umid qilamiz.
