Inter 10 kunda Ademola Lukmanni sotib olmoqchi

Inter klubida Atalanta jamoasining hujumchisi Ademola Lukman transferi ustida ish olib borilmoqda. Bu haqida Euro-football.ru xabar berdi.

Milanlik nufuzli klub 27 yoshli futbolchi bilan shartnoma bo‘yicha kelishib olgan, endi esa Bergamo jamoasini ishontirish qolmoqda. Jurnalist Alfredo Pedulla ma’lumotlariga ko‘ra, Inter klubi kelishuvni o‘n kun ichida yakunlashni rejalashtirmoqda.

Taklif qilingan summa 45 million yevro va qo‘shimcha 5 million yevro bonusdan iborat bo‘lib, bu Atalanta jamoasini qoniqtirishga yetarli deb hisoblanmoqda. Ademola Lukman o‘tgan mavsumda 40 ta o‘yinda maydonga tushib, 20 ta gol urdi va 7 ta golga uzatma berdi.

Nigeriyalik futbolchining Atalanta bilan amaldagi shartnomasi 2027 yil yozigacha amal qiladi. Inter klubi ushbu futbolchini o‘z safiga qo‘shish orqali hujum chizig‘ini kuchaytirishni maqsad qilgan.

Transfer jarayonining tezlikda yakunlanishi kutilmoqda.