Sport yangiliklari

Italiya A Seriyasining 25-turida "Roma" safarda "Parma"ni 1:0 hisobida magʻlub etdi. Uchrashuvdagi yagona golni 33-daqiqada Matias Sule urdi. "Roma" himoyachisi Zeki Chelik esa eng yaxshi futbolchi deb topilib, 8.1 baho oldi. Eldor Shomurodov ushbu oʻyinda asosiy tarkibda maydonga tushdi va 7.2 reyting oldi. U hujumda faol boʻlib, "Roma"ning oldingi chizigʻida muhim rol oʻynadi. Shuningdek, Matias Sule ham yaxshi oʻyin koʻrsatib, 7.9 baho bilan yakunladi. "Parma"da eng past baho himoyachi Djovanni Leoni (5.3) ga berildi, chunki u jamoasini 31-daqiqada bir kishi kam qoldirdi. "Parma" darvozaboni Suzuki esa 7.1 bilan eng yaxshi natija qayd etdi.

Italiya A Seriyasining navbatdagi turida "Roma" safarda "Parma"ni 1:0 hisobida magʻlub etdi. Uchrashuvdagi yagona golni 33-daqiqada Matias Sule kiritdi. Ushbu golli vaziyatda Eldor Shomurodov ham muhim rol oʻynadi. "Parma" esa 31-daqiqada bir oʻyinchisi maydondan chetlatilgach, oʻyinini davom ettirishga majbur boʻldi. Statistikaga koʻra, "Roma" toʻpni 72% nazorat qilib, 16 marta darvoza tomon zarba berdi. Evaziga "Parma" atigi 5 ta zarba yoʻllay oldi. Ushbu gʻalabadan soʻng "Roma" 37 ochko bilan 9-oʻrinda bormoqda.

Angliya Premer-ligasining 25-turida "Tottenxem" o‘z maydonida "Manchester Yunayted"ni 1:0 hisobida mag‘lub etdi. Uchrashuvning yagona golini Jeyms Meddison 13-daqiqada kiritdi. O‘yin statistikasi: Zarba: "Tottenxem" – 22, "Manchester Yunayted" – 16 Aniq zarba: "Tottenxem" – 7, "Manchester Yunayted" – 6 To‘p nazorati: "Tottenxem" – 57%, "Manchester Yunayted" – 43% Burchak zarbalari: "Tottenxem" – 10, "Manchester Yunayted" – 5 Turnir jadvali: Liverpul – 60 ochko Arsenal – 53 ochko Nottingem Forest – 47 ochko Tottenxem – 33 ochko Manchester Yunayted – 29 ochko "Tottenxem" ushbu g‘alabadan so‘ng turnir jadvalida 12-o‘ringa ko‘tarildi, "Manchester Yunayted" esa 15-o‘rinda qoldi va yomon natijalarini davom ettirdi.

APLning 25-turidan oʻrin olgan "Liverpul" - "Vulverxempton" bahsi boʻlib oʻtdi va unda mezbonlar gʻalaba qozonishdi. Dastlab, Dias hisobni ochgan boʻlsa, Saloh penaltidan gol urib, farqni ikkitaga oshirib qoʻydi. Ikkinchi taymda Kunya javob qaytardi. Shu tariqa, mersisaydliklar 3 ochkoni qoʻlga kiritib, turnir jadvalida 60 ochko ibaln peshqadamlikni yana mustahkamlab oldi. "Liverpul" – "Vulverxempton" 2:1 Gollar: 1:0 – 15 Dias, 2:0 – 37, penalti Salax, 2:1 – 67 Mateus Kunya. Liverpul – Alisson, Robertson, van Deyk, Konate (Kuansa, 46), Aleksander-Arnold (Bredli, 64), Mak Allister, Gravenberx, Dias (Endo, 71), Soboslai, Salax, Diogu Jota (Nunes, 64). Vulverxempton – Joze Sa, Gomesh, Agbadu (Bueno, 61), Doerti, Mateus Kunya, Sarabiya (Munetsi, 46), Ait-Nuri, Gomes (Doyl, 83), Andre, Semedu (Lima, 90+2), Gedesh (Bellgard, 46). Ogohlantirishlar: Doerti (26), Pereyra (29), Konate (31), Agbadu (39), van Deyk (71).

APL 25-turidan oʻrin olgan "Tottenxem" - "Manchester Yunayted" uchrashuvi oʻz nihoyasiga etadi. Uchrashuvning 13-daqiqasida Meddison hisobni ochishga muvaffaq boʻldi va ushbu gol oʻyin yakuniga qadar yagonaligini saqlab qoldi. 3 ochkoni qoʻlga kiritgan "shporlar" 12-oʻringa koʻtarilib olishdi. "Tottenxem" – "Manchester Yunayted" 1:0 Gol: 1:0 – 13 Meddison. Tottenxem – Vikario, Spens, Devis, Danzo (Grey, 78), Porro, Meddison (Djonson, 64), Bentankur (Bissuma, 78), Bergvall (Sarr, 64), Son Xin Min (Odober, 87), Tel, Kulusevski. Manchester Yunayted – Onana, de Ligt, Maguayr, Mazraui, Garnacho, Zirkze, Dorgu, Kazemiro (Obi-Martin, 90+1), Brunu Fernandesh, Diogu Dalot, Xeylund. Ogohlantirishlar: Kazemiro (41), Devis (79), Dorgu (90).

Oʻzbekiston U-20 terma jamoasi bosh murabbiyi Farhod Nishonov Indoneziyaga qarshi oʻtgan bahsdan soʻng fikr bildirib oʻtdi. "Bugungi gʻalabadan xursandman. Buning uchun yigitlarga rahmat aytaman, lekin jiddiy oʻyinlar hali oldimizda. Bugungi oʻyinning natijasini unutib, keyingi bahslarga tayyorgarlik olib borishimiz kerak. Muhimi — oʻzimiz uchun ochkolarni qoʻlga kiritdik, endi bor e'tiborimizni navbatdagi oʻyinlarga qaratamiz", -dedi Farhod Nishonov. Shuningdek, musobaqada ikkinchi golini kiritgan jamoa sardori Muhammadali Oʻrinboyev ham oʻyindan soʻng fiklarini bildirdi. "Oʻyin deyarli bizni rejamiz asosida oʻtdi, desak boʻladi. Gol kiritganimizdan soʻng raqibda ham imkoniyat boʻldi. Lekin tanaffus payti jamoamiz bilan bu oʻyinda yutishimiz kerakligini gaplashdik va bor imkoniyatimizni ishga soldik. Keyingi bosqichga chiqqanimizdan xursandmiz, biroq guruhdagi oxirgi oʻyinda ham gʻalaba uchun maydonga tushamiz", -dedi Oʻrinboyev. Ma'lumot uchun, yoshlarimiz guruhdagi soʻnggi uchrashuvni 19 fevral kuni Eronga qarshi oʻtkazsa, chorak final uchrashuvlari 22, 23 fevral kunlari boʻlib oʻtadi. Manba: OʻFA matbuot xizmati

Italiya A Seriyasining 25-turida "Roma" mehmondagi o‘yinda "Parma"ga qarshi 1:0 hisobida birinchi bo‘limni o‘z foydasiga hal qildi. Uchrashuvdagi yagona golni Matias Sule 33-daqiqada urdi. Golli vaziyat esa Eldor Shomurodovning samarali pasidan keyin yuzaga keldi. O‘zbekistonlik hujumchi hujum tashkil etishda muhim rol o‘ynadi. Birinchi taym statistikasi: To‘p nazorati: "Roma" – 70%, "Parma" – 30% Zarba: "Parma" – 2, "Roma" – 6 Aniq zarba: 1:1 Qizil kartochka: "Parma" – 1 (Jovanni Leoni, 31') "Parma" ikkinchi bo‘limda bir futbolchi kam bo‘lishiga qaramay, hisobni tenglashtirishga harakat qiladi. "Roma" esa g‘alabani saqlab qolib, yuqori o‘rinlarga yaqinlashishni xohlaydi.

Bugun Angliya Premer-ligasining 25-turi doirasida "Liverpul" o‘z maydonida "Vulverxempton"ni 2:1 hisobida mag‘lub etdi. Uchrashuvdagi gollar: Luis Dias, 15-daqiqa – 1:0 Muhammad Saloh, 37-daqiqa (penalti) – 2:0 Mateus Kun’ya, 67-daqiqa – 2:1 O‘yin statistikasi: "Liverpul" 10 ta zarba yo‘lladi, "Vulverxempton" 16 ta "Vulverxempton" 51% to‘pga egalik qildi, "Liverpul" esa 49% "Liverpul" 15 ta, "Vulverxempton" esa 13 ta qoida buzdi APL turnir jadvali: Liverpul – 60 ochko Arsenal – 53 ochko Nottingem Forest – 47 ochko Manchester Siti – 45 ochko Vulverxempton – 17 ochko (tushish zonasidan bir pog‘ona yuqorida)

Bugun Italiya A Seriyasining navbatdagi turida "Parma" va "Roma" jamoalari o‘zaro bahs olib boradi. Uchrashuv soat 22:00 da boshlanadi. Statistikaga ko‘ra, jamoalarning imkoniyatlari quyidagicha baholanmoqda: "Roma" g‘alaba qozonish ehtimoli – 46% "Parma" g‘alaba qozonish ehtimoli – 26% Durang ehtimoli – 28% Joriy turnir jadvali: "Napoli" (56 ochko) musobaqa peshqadami "Inter" 54 ochko bilan 2-o‘rinda "Roma" esa 9-o‘rinda (39 ochko) "Parma" 18-o‘rinda (20 ochko) "Roma" ushbu uchrashuvda muhim g‘alaba qozonib, Yevrokubok zonasiga yaqinlashishni istaydi. "Parma" esa quyi ligaga tushib ketish xavfidan qochish uchun ochko olishga intiladi.

Italiya A Seriyasining 25-turidan oʻrin olgan "Parma" va "Roma" klublari oʻrtasidagi bahs boshlanish arafasida. Mazkur toʻqnashuv uchun rimliklarning asosiy tarkibi bilan tanishing. "Parma" – "Roma" 16 fevral, 22:00, «Ennio Tardini» Parma – Sudzuki, Valeri, Leoni, Volyakko, Del Prato, Bernabe, Keyta, Kancheleri, Zom, Man, Bonni. Roma – Svilar, Ndika, Manchini, Chelik, Salax-Eddin, Kone, Paredes, Gurna-Duat, Salemakers, Shomurodov, Soule.

"Paxtakor" bosh murabbiyi Pedru Moreyra va himoyachi Umar Adhamzoda Elit Osiyo Chempionlar ligasi 8-turidan oʻrin olgan "Al Sadd"ga qarshi oʻyin oldidan tashkil etilgan matbuot anjumani tashkil etildi. - Barchaga xayrli kun. Barchangizni koʻrib turganimdan xursandman. Oʻyin biz uchun juda muhim. Men ushbu jamoaga kelishimdan avval, Elit Osiyo Chempionlar ligasidagi ushbu ikkita bahs orqali jamoaning hozirgi holatini baholab olishimiz mumkin ekanligini bilardim. "Al Garafa"ga qarshi kechgan uchrashuvda yaxshiroq oʻyin namoyish etishga harakat qildik, biroq natija biz uchun yomon boʻldi. "Al Sadd" qarshi oʻyinda gʻalaba qozonishni maqsad qilganmiz, balki keyingi bosqichga chiqish uchun imkoniyatlarimiz saqlanib qolgandir. "Al Sadd" Qatarning eng sovrindor va eng kuchli jamoalaridan biri hisoblanadi. Jamoa juda ahil va futbolchilar maydonda bir-birini juda yaxshi tushunishadi. Raqibimiz asosan "dominant" futbolni xush koʻrishadi. Mahalliy chempionatda ham yaxshi natijalar qayd etishmoqda. OChLda "Al Nassr"ga qarshi kechgan safar uchrashuvida ham jamoa juda yaxshi oʻyin namoyish etgan. "Paxtakor"da bir oydan beri ishlayotgan boʻlsam, shu vaqt ichidagi barcha mehnatlarimizni ertangi bahsda namoyish etishga intilamiz. Umar Adhamzoda - Oʻyinga yaxshi tayyorgarlik koʻrdik, deb oʻylayman. Ertaga gʻalaba qozonishga va muxlislarni xursand qilishga harakat qilamiz. Raqibni oʻrganib chiqdik. "Al Sadd"ni bilamiz va ularga qarshi oʻynaganmiz. - "Paxtakor"ning keyingi bosqichga chiqish imkoniyatlari "Al Garafa"ga qarshi kechgan oʻyindan soʻng keskin kamayib ketdi. Sizning fikringizcha, jamoa ertaga gʻalaba qozona olsa, pley-off bosqichiga chiqish imkoniyatlarini necha foiz boʻladi? - "Paxtakor"da har doim gʻalaba qozonishga ishtiyoq boʻlishi kerak. Ushbu gapni futbolchilarga har doim ta'kidlayman. Umar ham buni koʻp marotaba eshitgan, u har bir uchrashuvda oʻynab kelmoqda. Oʻzingiz bilsangiz kerak, joriy mavsum oson boʻlmaydi. Oldimizda "Al Sadd"ga qarshi oʻyin va biz hozir faqatgina shu bahs haqida oʻylashimiz kerak. "Al Garafa"ga qarshi kechgan bahsdan farqli oʻlaroq, yanada yaxshiroq oʻyin namoyish etib, gʻalaba qozonishimiz kerak. Qatarda yoʻqotgan ochkolarimizni ertangi bahsda qaytarib olishga harakat qilamiz. Oʻz ustimizda ishlashda davom etishimiz kerak, natijani hisobga olgan holda, albatta. Bizni oldinda chempionat bahslari ham kutib turibdi. Soʻnggi bir hafta davomida biz jiddiy tayyorgarlik koʻrdik. Futbolchilar ertaga maydonda barchasini koʻrsatib beradi degan umiddaman. - "Paxtakor" transferlar oynasida yangi futbolchilarni oʻz safiga qoʻshib oldi. Hozirgi kunga qadar yigʻilgan tarkibdan qanchalik qoniqyapsiz? Masalan, asosan hujum chizigʻiga koʻproq e'tibor qaratildi. Himoya chizigʻi esa kuchaytirilmadi. Agar imkoniyatingiz boʻlganda yana qaysi pozitsiyalarni kuchaytirgan boʻlardingiz? - Ayni paytdagi tarkibimiz shu. Ixtiyorimizda bor futbolchilardan foydalana olamiz. Meni ushbu jamoaga chaqirishganida, men "Paxtakor"ni tahlil qilib va klub tarixini oʻrganib chiqqan edim. "Paxtakor" har doim gʻalaba qozonishni maqsad qiladigan jamoa. Klub hech qachon quyi ligaga tushib ketmagan. Jamoada iqtidorli futbolchilar bor. Umuman olganda, Oʻzbekistonda iqtidorli futbolchilar juda koʻp. Asosan xorijlik futbolchilarni oʻz safimizga qoʻshib olganimiz, faqat ularni oʻynatamiz degani emas. Biz legionerlar va mahalliy futbolchilardan iborat ahil jamoa quramiz. Bunday tarkib yaxshi balansga ega boʻladi. Bu kelajak uchun ham manfaatli boʻlishiga ishonaman. - "Paxtakor" bunga qadar bor-yoʻgʻi bitta rasmiy uchrashuvda ishtirok etdi. Superliga esa mart oyida start oladi. Qatar "Yulduzlar Ligasi" esa oʻzining eng qizgʻin pallasida. "Paxtakor"da muntazam oʻyin amaliyoti yoʻqligi ertangi uchrashuv natijasiga qanchalik ta'sir qilishi mumkin? Jamoalar oʻrtasidagi ushbu jihat qanchalik katta farq yaratishi mumkin? - Bu jihat jamoalar oʻrtasidagi farqni keltirib chiqarishi shubhasiz. Qatarda chempionat davom etmoqda. Eng muhimi, har bir futbolchi oʻz vazifasini yaxshi bajarish. Umarga va jamoaga qanday imkoniyatlarimiz bor ekanligini koʻrsatib va tushuntirib berdik. Futbolchilar bundan xabardor. Niyatimiz raqibni magʻlub etish. Yana bir bor takrorlayman, soʻnggi bir hafta davomida biz toʻliq ushbu oʻyinga tayyorgarlik koʻrdik. Umid qilamanki, futbolchilar ertaga maydonga "Paxtakor" qanday kuchga ega ekanligini namoyish koʻrsatib qoʻyishadi. Umar Adhamzodaga savol - "Al Sadd" jamoasi va Qatar terma jamoasining etakchisi Akrom Afif Toshkentda kelmadi, biroq Qatar jamoasi yaqinda bir necha mavsum davomida "Zenit"da yorqin oʻyinlar namoyish etgan braziliyalik futbolchi Klaudinoni sotib oldi. Klaudino Toshkentga kelgan va ertaga katta ehtimol bilan maydonga tushadi. Mening fikrimcha, Klaudinoning mahorati Akrom Afifnikidan past emas. Ertangi uchrashuvda "Paxtakor" himoyachilariga qanchalik qiyin boʻlishi mumkin? Shuningdek, mashgʻulotlarda Klaudinoni qanday xavfsizlantirish choralari koʻrib chiqildimi? - Klaudinoga alohida tayyorgarlik koʻrmadik. Biz asosiy e'tiborimizni umumiy oʻyin sur'atiga va jamoaviy oʻyinga qaratdik. Siz aytib oʻtgan braziliyalik futbolchidan tashqari boshqa kuchli futbolchilar va legionerlar ham bor. Biz oʻz uyimizda uch ochkoni qoʻlga kiritishni maqsad qilganmiz. Ertaga qiziqarli oʻyin boʻladi. - Ertaga "Paxtakor" "Al Sadd"ni magʻlub eta olishiga nima sabab boʻlishi mumkin? Masalan, sovuq ob-havo yoki "Paxtakor"ning gʻalaba qozonishga boʻlgan ishtiyoqi... - Har bir aytib oʻtgan jihatlaringiz oʻyinga oʻz ta'sirini oʻtkazadi. Agar biz ertangi uchrashuvda yaxshi ishtiyoq bilan maydonga tushsak, gʻalaba qozona olishimizga ishonchim komil. "Al Sadd" tarkibida Afif, Klaudino va boshqa kuchli futbolchilar bor. Raqibimizda ham kamchiliklar kuzatilishi mumkin. Ular ham kimni asosiy tarkibda tushirish haqida bosh qotirmoqda. Biz bularning barchasiga tayyormiz. Oʻyin davomida raqibning yurishlaridan kelib chiqib, oʻz oʻyinimizni oʻzgartirishimiz mumkin. Bunday oʻyinlarda har bir faktor oʻz ta'sirini oʻtkazadi. Ushbu faktorlarning barchasini bir joyga jamlashimiz va gʻalabaga boʻlgan ishtiyoqimizni namoyish etishimiz kerak. Bunga erisha olishimizga ishonaman. Futbolchilar oʻzini qanday namoyish etishayotganidan juda mamnunman. Muxlislarimiz ham ertangi oʻyindan soʻng yaxshi kayfiyatda boʻlishadi degan umiddaman. Ertaga Oʻzbekistondagi dastlabki uchrashuvimni oʻtkazaman. Dastlabki rasmiy oʻyinim qanday oʻtishi men uchun juda qiziq. Bu erdagi insonlarning oʻz ishiga boʻlgan yondashuvi va samimiyligi menga yoqmoqda. Manba: championat.asia

Xabaringiz bor, ertaga "Paxtakor" jamoasi "Jar"da Elit Chempionlar ligasi doirasida Qatarning "As-Sadd" jamoasini mehmon qiladi. Uchrashuv oldidan "sherlar" ustozi Pedru Morreyra va Umar Adhamzoda qatnashib, jurnalistlarning savollariga javo berdi. "Barchaga xayrli kun. Bizni juda muhim oʻyin kutmoqda. Maqsadimiz jamoaning ushbu musobaqadagi ikki uchrashuvi orqali barchasini koʻzdan kechirib olish edi. Gʻalaba qozongan taqdirimizda bizda imkoniyat saqlanib qoladi. Shunga harakat qilamiz. Raqib hujumkor futbol koʻrsatadi, juda yaxshi shakllangan jamoa. Bir oydan ortiqroq mashgʻulotlarda ishlaganlarimizni ertaga koʻrsatishga intilamiz. Oldimizda turgan oʻyin haqida oʻylashimiz lozim. Zafar quchsak, keyin boshqa narsalar toʻgʻrisida oʻylaymiz. Bizni Elit ligadan tashqari Oʻzbekiston chempionatida ham qiziqarli mavsum kutmoqda. Raqibda rasmiy oʻyin amaliyoti borligi ularga qoʻl keladi. Mavsum davom etayotgan holatda maydonga tushish yaxshi. Lekin biz ham koʻp narsalarga qodirmiz. Futbolchilar ham buni his etib borishmoqda. Jamoa sifatida asta-sekin kuchayib boryapmiz. Uchrashuvga juda koʻp narsalar ta'sir qilishi mumkin. Katta ishtiyoq bilan oʻynasak, koʻp narsani uddalay olamiz. Oʻyindagi turli vaziyatlarga tayyor boʻlishimiz kerak. Muxlislarni stadionda koʻrishdan xursand boʻlamiz va ularga yaxshi kayfiyat taqdim etishga urinamiz. Biz bir oilaga aylanishimiz lozim", - dedi Morreyra. "Ertangi bellashuvda gʻalabaga erishib, muxlislarni xursand qilishga urinamiz. Tayyorgarligimiz koʻngildagidek boʻldi deb oʻylayman. Oʻz oʻyinimizni namoyish etishimiz kerak. "Sadd"ni oʻrganib chiqdik. Ularga qarshi oldin ham oʻynaganmiz. Klaudinioga qarshi oʻynashga alohida tayyorlanmadik. Raqibda yuqori saviyali futbolchilar koʻp. Jamoaviy oʻyinga e'tibor qaratgan holda bahsga hozirlik koʻrdik", - deya oʻz fikrlarini bildirdi Umar Adhamzoda. Eslatib oʻtamiz, "Paxtakor" - "As-Sadd" uchrashuvi ertaga soat 19:00da "Jar" stadionida start oladi.

Xitoy yashil maydonlarida 20 yoshgacha boʻlgan yoshlar oʻrtasidagi Osiyo Kubogi davom etmoqda. Ikkinchi tur doirasida terma jamoamiz Indoneziya yoshlariga qarshi bahs olib bordi. Mazkur bellashuvda yoshlarimiz 1:3 hisobidagi gʻalabani qoʻlga kiritdi. Dastlab, 21-daqiqada Muhammadali Oʻrinboyev jamomizni oldinga olib chiqqan boʻlsa, ikki daqiqadan soʻng raqib futbolchisi Raven hisobni tenglashtirdi. Terma jamoamizning keyingi gollariga esa Abdugʻofur Haydarov (47') va Saidumarxon Saidnurullayev (63') mualliflik qildi. Indoneziya – Oʻzbekiston 1:3 Gollar: 0:1 – 21, Oʻrinboyev (Hamidov), 1:1 – 23, Raven (Ola), 1:2 – 47, Haydarov (Tuxsonov), 1:3 – 63, Saidnurullayev (Oʻrinboyev). Indoneziya U-20: 3.Al Gʻaffori, 4.Arel, 5.Buffon (17.Hidayat, 57), 6.Florasta (8.Varman, 80), 9.Raven, 13.Sheva, 15.Ola (20.Rahmon, 87), 16.Pamungkas, 18.Firmansyah, 19.Ragil (7.Abdulmannon, 56), 21.Gvijangge (11.Pahlavi, 87). Oʻzbekiston U-20: 12.Muhammadyusuf Sobirov, 2.Saidxon Hamidov, 5.Azizbek Toʻlqinbekov (4.Gʻiyos Rizoqulov, 76), 6.Ravshan Xayrullayev, 7.Daler Tuxsanov (11.Murod Komilov, 75), 9.Saidumarxon Saidnurullayev, 10.Muhammadali Oʻrinboyev (19. Rustambek Fomin, 67), 13.Behruz Jumatov, 20.Dilshod Abdullayev, 22.Asilbek Jumayev (17.Ollobergan Karimov, 85), 23.Abdugʻofur Haydarov (16.Muhammadali Reimov, 85). Zaxira: 1.Murkayev, 3.Zohidov, 8.Saidov, 14.Qurbonov, 15.Mirzayev, 18.Ahmadjonov, 21.Murodboyev. Ogohlantirish: Gʻiyos Rizoqulov (90+3).

“Manchester Siti”ga 20 yanvarda koʻchib oʻtgan Abduqodir Husanov yangi jamoasi safida uchinchi marotaba maydonga tushdi. Bu gal 20 yoshli markaziy himoyachi Angliyaning kuchli klublaridan “Nyukasl”ga qarshi toʻliq oʻynadi. Bosh murabbiy Xosep Gvardiola qishda olingan toʻrt nafar futbolchidan uchtasi – Umar Marmush, Niko Gonsales va Abduqodir Husanovni muntazam oʻynatib kelmoqda. Shuningdek, ispaniyalik mutaxassis Braziliyadan olib kelingan 18 yoshli Vitor Reysni Angliya kubogi doirasidagi bahsda 45 daqiqa sinab koʻrdi. Abduqodir Husanov “Nyukasl”ga qarshi oʻtkazilgan bahsni yuqori darajada oʻtkazdi. Ayni paytda manchesterlik muxlislar klubning ijtimoiy tarmoqlardagi sahifalarida oʻzbek futbolchisining oʻyinini keng muhokama qilmoqda. Silveranus Collins: Husanov haqiqatan zoʻr futbolchi ekan, jamoadan ketgan Kayl Uokerning oʻrnini egallaydi. Abduqodir biz muxlislar mehrini qozondi. Jay Extrovert: “Manchester Siti” yana gʻoliblik yoʻliga qaytdi. Husanov, Stouns, Gvardiol himoyada mukammal oʻynadi. Stancy Ngwira: Husanov jamoaga yaxshi joylashib olibdi. “Nyukasl”ga qarshi hamma yaxshi oʻynadi. Balli chempionlar! Mhî Rêh Kûl ʚĭɞ: Husanov menga ham yoqdi. Toʻp bilan yaxshi ishlar ekan. Birinchi oʻyindagi xatosini esdan chiqaramiz... Ibrahim Khalil: Hamma pozitsiyalarda oʻyin yaxshi boʻldi. Ederson porladi, Husanov juda xotirjam va kuchli oʻyin koʻrsatdi. Gvardiol barqaror oʻynadi. Marmush esa, oʻzga sayyoradan kelgan shekilli. Elvis Katama: Husanov oʻziga nisbatan bosim boʻlishiga yoʻl qoʻymas ekan. Buni kimdir sezdimi? Toʻpni uzoq ushlamay, bir harakat bilan darrov sheriklariga etkazib beryapti. Ayniqsa, oʻzi oʻyin qoidasini buzganini ham tan olishni istamadi. Caljosh: Husanov bu gal ancha xotirjam oʻynadi. Oldinga bir necha marotaba zoʻr pas uzatdi. Bu futbolchi shiddatli va baquvvat, himoyachilar aynan shunaqa boʻlishi kerak. Uni Madriddagi oʻyinda ham kutamiz. Kings Kodwani: Iltimos, keyingi oʻyinlarda Husanovni yana boshlangʻich tarkibda maydonga tushiringlar! Min James Sax: “Real”ga qarshi oʻyinda Pep Gvardiola nega Abduqodir Husanovni oʻynatmasdan Rikoni maydonga tushirganini tushunganim yoʻq. Billy Ke: Madriddagi uchrashuvda Gvardiola Husanovni boshlangʻich tarkibda oʻynatish haqida oʻylayotgan boʻlsa kerak, chunki u “Nyukasl” qarshi fantastik oʻyin namoyish qildi. Paul Eric Peligro: Abduqodir Husanov “shaharliklar”ning devoriga aylandi, endi boʻlajak bahsda Kilian Mbappega “non” yoʻq!

“Qizilqum” jamoasi ham Antaliyadagi oʻquv-mashgʻulot yigʻinlarini olib boryapti. Rejaga muvofiq oʻrtoqlik uchrashuvlarida qatnashishyapti. Kecha navoiyliklar Gruziyaning “Samgurali” jamoasiga qarshi nazorat uchrashuvida qatnashishdi va unda hisob ochilmadi. Uchrashuvdan soʻng “Qizilqum” bosh murabbiyi Nikola Lazarevichni suhbatga tortdik. - Uchrashuv durang bilan yakunlandi. Qoniqdingizmi? - Koʻrib turibsiz, deyarli yangi jamoa tuzilgan. Oʻtgan yilgidan sanoqli oʻyinchilar qolgan. Selektsiya ishlari yil boshidan boshlangan. Biz oʻyindan-oʻyinga, mashgʻulotdan-mashgʻulotga oʻsib bormoqdamiz. Bu juda muhim sanaladi. Futbolchilar tez fursatda bir-birlarini tushunib borishmoqda. Umumiy olsak, birinchi oʻyinda Ukraina jamoasi bilan yaxshi oʻyin koʻrsatdik. Bu safargi uchrashuvda birinchi boʻlimdan qoniqdim. Ikkinchi boʻlim borasida ba'zi birlariga savolim bor. Oʻyinni koʻramiz, tahlil qilamiz. Chempionat boshlanguncha xatolarni kamaytirishga harakat qilib boramiz. - Siz uch yil oldin ham “Qizilqum”ni boshqargansiz. Rosti, qaytishingizni kutmagandik. Bu qanday sodir boʻldi? - Oddiy jamoalardan koʻplab chaqiruvlar boʻldi. Lekin bu jamoa bilan ham yaxshi aloqalar saqlanib qolingan edi. Jamoa murabbiysiz qolgandi. Men ham ishlashga tayyor edim. Taklif bilan chiqishdi va mamnuniyat bilan qabul qildim. Rahbariyat ham meni qaytganimdan xursand boʻlishdi. - Yangi mavsumda “Qizilqum”ni maqsadi qanday? - Chempionlik uchun kurashamiz (kuladi). - Bunga ishonchingiz komilmi? - Maqsad yaxshi jamoa tashkil qilish. Asosiy tarkibni koʻrdingiz, koʻplab oʻyinchilarni qoʻshdik. 5-6-oʻrinlarda yursak, bu yaxshi natija boʻladi va shunga harakat qilamiz. - Selektsiyadan qoniqdingizmi? Tarkibga yana yangi futbolchilar qoʻshiladimi? - Bu borada biroz kechroq harakatni boshladik. Yuqori maqsadni qoʻygan jamoalar mavsum tugashi bilan tarkibga kerakli oʻyinchilarni jalb qilishni boshlashgan. Biz bu ishlarni yil boshidan boshladik. Bu jarayon juda qiyin boʻldi. Shunday boʻlsa-da, yaxshi oʻyinchilarni taklif qildik. Asosan Oʻzbekistonda oʻynayotgan legionerlarni tanladik. Umuman, yangi jamoa tashkil etdik. Tezroq bu oʻyinchilarni biz xohlagan uslubga moslashtirib, yaxshi jamoa tuzish. Buni endi chempionat davomida guvohi boʻlamiz.

Foto: REUTERS Mali gʻarbida noqonuniy oltin qazib olishga moʻljallangan shaxtaning qulashi oqibatida kamida 48 kishi halok boʻldi. Bu haqda mahalliy politsiyadagi manbalariga tayanib The Guardian xabar berdi. Agentlik suhbatdoshining soʻzlariga koʻra, mazkur voqea oldinlari Xitoy kompaniyasiga tegishli boʻlgan tashlandiq konda yuz bergan. Manbalarning qayd etishicha, halok boʻlganlarning asosiy qismi ayollardir. Ekologiya tashkiloti rahbarining ma'lum qilishicha, qurbonlarni qidirish ishlari davom etmoqda. Agentlikning ta'kidlashicha, koʻplab insonlarning oʻlimiga olib keladigan bu kabi holatlar togʻ-kon ob'ektlaridagi noqonuniy faoliyatlar tufayli tez-tez sodir boʻlib turadi. Mali — oltin qazib olish hajmi boʻyicha Afrikada toʻrtinchi oʻrinda turadi. Mamlakat oltin, temir rudasi, marganes, litiy va uranning ulkan zaxirasiga ega. 2024 yil yanvarda Mali janubi-gʻarbidagi Kangaba hududida joylashgan oltin koni tunneli qulab tushgandi. Oʻshanda hodisa oqibatida 73 kishi halok boʻlgan.

2025 yilgi Osiyo Kubogi final qismiga tayyorgarlik koʻrayotgan Oʻzbekiston U-17 terma jamoasi "Rivojlanish kubogi" turniridagi ishtirokini boshladi. Vakillarimiz bugun ilk uchrashuvini Braziliyaning "Blockchain Sports" akademiyasiga qarshi oʻtkazdi. Darvozalarga 4 ta gol urilgan oʻyinda Islom Ismoilov shogirdlari raqibini 3:1 hisobida taslim qildi. Gollarga Jamshid Rustamov, Abdulloh Fazliddinov, Sayfiddin Sodiqovlar mualliflik qilishdi. Hamyurtlarimiz navbatdagi uchrashuvlarda Belarus va Ozarbayjonga qarshi maydonga chiqishadi. "Rivojlanish kubogi" "Blockchain Sports" - Oʻzbekiston U-17 1:3 Gollar: Gustavo dos Santos - Jamshid Rustamov, Abdulloh Fazliddinov, Sayfiddin Sodiqov Oʻzbekiston U-17: 1. Ibrohim Shokirov, 2. Xojiakbar Botiraliyev, 3. Xojiakbar Yusufboyev, 8. Akbar Muhammadov, 10. Muhammad Habibullayev, 13. Abdulloh Fazliddinov, 14. Behruz Saidmurodov, 16. Asadbek Ramilov, 17. Jamshidbek Rustamov, 20. Asilbek Aliyev, 22. Sardorbek Fayzullayev.

Abduqodir Husanov Angdiya Premer-ligasining 25-turidan oʻrin olgan “Manchester Siti” va “Nyukasl” oʻrtasidagi uchrashuvni toʻliq oʻtkazdi. Ta'kidlash joizki, 20 yoshli markaziy himoyachining “qargʻalar”ga qarshi namoyish qilgan oʻyini mutaxassislar tomonidan yuqori baholanmoqda. Shuningdek, oʻzbek futbolchisining uchrashuvdagi faolligi va xatti-harakatlari manchesterlik futbol ishqibozlariga ham har tomonlama ma'qul keldi. Statistik markazlar ekspertlarining hisob-kitoblariga koʻra, Abduqodir ancha yaxshi koʻrsatkichlarni qayd etdi. Legionerimiz ushbu oʻyin davomida 76 marta toʻpga teginishga muvaffaq boʻlib, 68 ta uzatma berdi. Ularning 63 tasi jamoadoshlariga aniq etib bordi (94 %). Bundan tashqari, iqtidorli himoyachi oʻyin davomida 7 bora uzoq masofaga uzatmani amalga oshirdi, raqib jarima maydonchasi atrofiga xavfli vaziyat keltirib chiqargan uchta pas uzatdi, sakkiz marotaba himoyaviy harakatlarni bajardi, barcha yakkakurashlarda gʻolib chiqdi va biror marta raqibga aldangani yoʻq, Uchrashuvdan keyin Xosep Gvardiola Evropa Chempionlar ligasi yoʻllanmasi uchun kurashda asosiy raqobatchilaridan biri ustidan qozonilgan yirik hisobdagi gʻalaba ishtirokchilari haqida ham oʻz fikr-mulohazalarini bildirdi. - Bu bahsda biz aslida qanday jamoa boʻlganimizni esga oldik. Joriy mavsum bugungi oʻyinga qadar bunaqa yuqori darajaga chiqa olmagandik. Lekin hech qachon harakatni toʻxtatmaganmiz. Faqat ayrim holatlarda harakatlar oʻxshamagan vaziyatlar ham boʻldi. Oʻyin tempi, shiddati va intensivligi menga ma'qul keldi. Niko Gonsales va Abduqodir Husanov bugun juda zoʻr oʻynadi. Evropa Chempionlar ligasi yoʻllanmasini qoʻlga kiritishimiz uchun bu kabi bellashuvlarda gʻalaba qozonish shart, - dedi Gvardiola. “Shaharliklar” bosh murabbiyi Angliyaga koʻchib oʻtganidan beri ilk bor toʻliq uchrashuv oʻtkazgan Abduqodir Husanovning kuchli va zaif tomonlarini ham aytib oʻtdi. - Husanovning hujumga oʻtishdagi tezligi hafratlanarli darajada zoʻr va aynan mana shu xususiyati uchun uni tanlaganmiz. Haqiqatan, Abduqodir juda tezkor. Biroq Abduqodir yakkakurashlarda gʻolib chiqolmasa, darrov ortiqcha darajada agressiv oʻyinchiga aylanib qoladi. Husanov hali moslashish jarayonida, bu biroz vaqt talab qiladi, hali legionerimiz hamma narsani oʻrganib oladi, - dedi Xose Gvardiola “Manchester Siti” klubi rasmiy sayti vakillari bilan suhbatda. Ta'kidlash joizki, endi “Manchester Siti”ni oldinda ikkita murakkab toʻqnashuv kutib turibdi. “Shaharliklar” 19 fevral kuni Madridda “Real” mehmoni boʻladi. Evropa Chempionlar ligasi pley-off bosqichining birinchi uchrashuvda Karlo Anchelotti shogirdlari “Etixad”dan 3:2 hisobidagi gʻalaba bilan qaytgan. Xosep Gvardiola endi raqib maydonida revansh olishga urinib koʻradi. 23 fevralda esa, manchesterliklarni Premer-liga peshqadami “Liverpul” bilan uy uchrashuvi kutib turibdi. “Manchester Siti” bosh murabbiyi Xosep Gvardiola ushbu boʻlajak bellashuvlarda Abduqodir Husanovga bemalol ishonch bildirishi kutilmoqda.

Abduqodir Husanov APL 25-turida «Manchester Siti» tarkibida ilk bor toʻliq oʻyin davomida harakat qilib, yoqimli seriyasini davom ettirdi – Gvardiola oʻzbek himoyachisini maydonga tushirgan oʻyinlarda gʻalaba qozonmoqda. Pep «Nyukasl» ustidan yirik gʻalabadan keyin Abduqodirni e'tirof etdi. Oldinda esa ikkita muhim toʻqnashuvlar – Madridda «Real»ga qarshi javob oʻyini va «Liverpul» bilan oʻyin kutib turibdi. Foto: Getty images Akanjining oʻrni toʻldirildi «Manchester Siti» ustozi Pep Gvardiola Chempionlar ligasi pley-off oʻtish bahsi doirasidagi dastlabki uchrashuvda «Real»ga qarshi omadsizlikka uchragach, «Nyukasl» bilan bahsda aynan himoyada rotatsiyaga qoʻl urishi kutilgandi. Shunday ham boʻldi – Diash va Ake himoya tandemi oʻrniga Husanov – Stounz juftligi tanlandi. Pep uzoq muddatga safdan chiqqan Manuel Akanji oʻrniga Abduqodirga ishonch bildirgach, 20 yoshli himoyachi APLning eng jangovar jamoalaridan biri sanalmish «Nyukasl»ga qarshi munosib oʻyin koʻrsata oldi. Omar Marmushning het-triki evaziga erishilgan yirik gʻalabada «Siti» himoya qoʻrgʻonining APL toʻpurarlaridan biri Aleksandr Isakni toʻxtatib qolish uddasidan chiqqani ham e'tirofga loyiq. Har holda «Siti» himoyasi Husanov maydonda boʻlmagan soʻnggi 3ta oʻyinda (Arsenal – 1:5, Leyton – 2:1, Real – 2:3) jami 9ta gol oʻtkazib yuborgandi. Ijtimoiy tarmoqlarda Isakning «Liverpul» bilan oʻyinda (3:3) gol urgani va Van Deykga qarshi toʻqnashuvda 8,1 ball, «Arsenal»ga qarshi oʻyinda (0:2) ham oʻz hisobiga gol yozib, Saliba bilan toʻqnashuvda 8,7 bahoga munosib koʻrilib, Husanovga qarshi oʻyinda esa ancha past – 6,2 bahoga loyiq koʻrilgani turli memlarga sabab boʻlmoqda. Yana bir e'tiborli statistika – Abduqodir «Nyukasl»ga qarshi bahsda maydondagi oʻyinchilar orasida eng koʻp oldinga uzatma bergan oʻyinchiga aylangan. Husanov – «Siti»ning gʻalaba sari ilk qadami Ha, oʻzbekistonlik 20 yoshli himoyachi sekin-asta «Manchester Siti»ning gʻalaba tumoriga aylanmoqda. Buni statistika ham aytib turibdi – Pep Gvardiola Abduqodirni maydonga tushirgan soʻnggi uchta oʻyinda «Siti» jami 9ta gol urgan va 2ta toʻp oʻtkazib yuborgan. «Chelsi» 3:1 hisobida magʻlub etilgan debyut oʻyinda hamyurtimiz londonliklarning goliga sabab boʻlgandi. Oʻshandan keyin u kubokda «Leyton Oriyents»ga qarshi yangi jamoasidagi ilk goliga mualliflik qilgan boʻlsa, shanba kuni «Nyukasl» yirik hisobda magʻlub etildi. Husanov maydonga tushirilmagan «Arsenal» va «Real»ga qarshi oʻyinda esa aksincha, jamoa magʻlub boʻlib, oʻz darvozasidan jami 8ta gol oʻtkazib yubordi. Shunday ekan, Husanovning tarkibda boʻlishi – «shaharliklar»ning gʻalaba tomon ilk qadamiga aylanmoqda. Foto: Getty images Husanov Holand, Foden va Gundoʻgʻanni ortda qoldirdi Oʻzbekistonlik 20 yoshli himoyachining «Nyukasl»ga qarshi 90 daqiqa davomidagi harakatlarini ingliz OAVlari ham e'tirof etgan. Xususan, Britaniyaning eng nufuzli telekanallaridan biri sanalmish BBC jurnalistlari Abduqodir Husanovning toʻliq oʻtkazgan ilk oʻyinini 7,44 ballga baholagan. Taqqoslashingiz uchun, milliy jamoaga a'zo himoyachi ushbu oʻyinda Fil Foden (7,38 ball), Ilkay Gundoʻgʻan (7,30), Erling Holand (7,21) singari yulduzlarni bu borada ortda qoldirishga erishdi. «Man Siti» oʻyinchilarga «Nyukasl»ga qarshi oʻyinda qoʻyilgan ballar (BBC talqini): Gvardioladan maqtov «Manchester Siti» ustozi «Nyukasl» bilan oʻyindan keyin oʻzbekistonlik himoyachini e'tirof etdi. «Bugungi uchrashuvning sur'ati va harakatlarimizdan mamnunman. Niko Gonsales va Abduqodir Husanov ajoyib darajada oʻyin koʻrsatishdi. Oldinda «Real»ga qarshi biz uchun muhim boʻlgan javob bahsi bor. Muxlislarimiz uyiga xursand qaytishi uchun barcha ishni qilishimiz kerak. Yangi oʻyinchilarning bizga nafi tegadigan jihatlari koʻp. Husanovda tezlik va shijoat mujassam. Aynan shuning uchun uni sotib olganmiz. U juda tez, yosh va oʻziga nisbatan ishonchi yuqori. Dadil va agressiv oʻyini bilan ajralib turadi. Yakkakurashlardan qoʻrqmaydi, yutqazgan taqdirda ham darhol yordamga qaytadi. U juda yaxshi moslashmoqda», - deydi ispaniyalik murabbiy Husanovni maqtab. Foto: Getty images Navbat – «Real» va «Liverpul»ga qarshi oʻyinlarga «Manchester Siti»ni keyingi bahsda mavsumdagi eng muhim oʻyini kutib turibdi. Pep Gvardiola Premer-liga chempionligini oʻzida saqlab qolishdan deyarli umid uzgandir, ammo Chempionlar ligasidagi yurishdan hamon umidvor. Madridda «Real»ga qarshi oʻtadigan pley-off oʻtish javob uchrashuvida «Siti» bor kuch va imkoniyatini ishga solishi aniq. Chunki birinchi bahsdan keyin jamoaning bu oʻyinda yoʻqotadigan narsasi qolmagan va Pep shogirdlarini faqat gʻalaba uchun ruhlantiradi. Chorshanba oqshomidagi «jang»dan keyin yakshanba kuni «Siti»ni peshqadam «Liverpul» bilan oʻyin kutadi. «Shaharliklar» uchun mavsumning burilish nuqtasiga aylanishi mumkin boʻlgan yangi haftadagi final oldi finallarda Husanov maydonga tushishga munosib ekanini koʻrsatdi. Shunday ekan, Abduqodirni 3 kundan keyin «Santyago Bernabeu»da maydonga chiqishini kutishga haqlimiz. Manba: Kun.uz

O‘tgan yillarda "Yuventus" jamoasida o‘ynagan taniqli futbolchi Edgar Davids tanishi Nabila Habibining o‘g‘irlik qilgani haqida xabar oldi. Bu haqida Euro-football.ru xabar berdi. Bu haqda ad.nl portali ma’lumot berdi. Nashr ma’lumotlariga ko‘ra, Davids o‘zining rasm kolleksiyasining o‘g‘irlanganini bir necha yil o‘tib bilib qolgan. U kolleksiyani ishonch bildirgan odamga topshirgan edi. Bir muddat Habibi ham uning uyida yashagan. Davids kolleksiyasi xavfsiz joyda saqlanayotganiga ishonar ekan, Habibi 37 ta rasmni o‘g‘irlab, ularni turli lombardlarga garovga qo‘ygan va taxminan 30 ming yevro olgan. 2017 yilda Habibi qarzlarini to‘lay olmagach, lombardlar rasmlarni sotish huquqiga ega bo‘lgan. Sotib olganlardan biri rasmning orqa tomonida Davidsning ismini ko‘rib, ijtimoiy tarmoqlar orqali unga murojaat qilgan. Shundan so‘ng Davids sudga murojaat qilgan. Habibi o‘g‘irlikni tan olgan. Avvalroq u jinoyat ishlari bilan bog‘liq muammolarga duch kelgan va tanishidan 3500 yevro olgan holda qoldirgan edi.

Red Bull Zalsburg jamoasining hujumchisi Karim Konate «Barselona» klubi qiziqish doirasiga kirdi. Bu haqida Euro-football.ru xabar berdi. Kataloniya klubi 37 yoshli Robert Levandovskiga o‘rnini bosuvchi yangi futbolchini izlamoqda. Hozirgi mavsum Levandovski uchun klubdagi so‘nggi mavsum bo‘lishi mumkin. Transfer News Live manbasining Africa Soccer saytiga asoslanib xabar berishicha, 21 yoshli Karim Konate katalonlar e’tiborida turibdi. U o‘tgan yil noyabr oyidan beri tizzasidagi kesilgan bog‘lam sababli maydonga chiqa olmayapti. Transfermarkt portali uning bozor qiymatini 15 million yevroga baholagan. Ivoriyalik hujumchi Red Bull Zalsburgning birinchi jamoasi safida 64 o‘yinda maydonga tushib, 33 ta gol urdi va 11 ta golga uzatma berdi. Bu yosh futbolchining kelajagi katta deb hisoblanmoqda va «Barselona» uni o‘z tarkibiga qo‘shishni ko‘zlamoqda.

Fransuz himoyachisi Benjamen Pavar o‘zining «Marsel» klubiga o‘tishi haqidagi taassurotlarini bildirdi. Bu haqida Euro-football.ru xabar berdi. Uning so‘zlariga ko‘ra, hozirgi vaqtda barcha fikrlari faqat «Marsel»ga qaratilgan. U ushbu nufuzli klubga qo‘shilganidan faxrlanishini va maydonga chiqishni intiqlik bilan kutayotganini ta’kidladi. Pavar 29 yoshda bo‘lib, uning huquqlari Milanning «Inter» klubiga tegishli. U 2025/2026 yilgi mavsum oxirigacha ijaraga berilgan va keyinchalik sotib olish huquqi mavjud. 2024/2025 yilgi mavsumda Pavar Italiya Seriya A ligasida 23 o‘yin o‘tkazdi, ammo gol ura olmadi va bitta golga uzatma berdi. Fransiya terma jamoasi safida u jahon chempioni hisoblanadi. 2018 yilda Rossiyada o‘tgan jahon chempionatida uch rangli terma jamoa bilan birga g‘olib chiqqan. Ushbu musobaqaning chorak finalida Argentina jamoasiga qarshi muhim golni kiritgan. Pavar o‘zining tajribasi va mahorati bilan «Marsel» jamoasiga katta foyda keltirishga tayyor ekanligini namoyish qilmoqda.

18 yoshli «Barselona» jamoasining markaziy yarim himoyachisi Mark Bernal yaqinlashib kelayotgan Ispaniya chempionati doirasidagi «Valensiya»ga qarshi o‘yinda jamoa tarkibiga kiritilishi mumkin. Bu haqida Euro-football.ru xabar berdi. Bu haqda Barca Universal manbasi xabar bermoqda. Ma’lumotlarga ko‘ra, futbolchi o‘yinda qatnashish uchun tibbiy ruxsatnomani olishi zarur. U 2024 yilning avgust oyidan buyon tizzasidagi oldingi kesuvchi bog‘lamning yirtilishi sababli maydonga tushmagan. Ispaniya La Liga chempionatining to‘rtinchi turidan o‘rin olgan «Barselona» va «Valensiya» jamoalari o‘rtasidagi uchrashuv 14 sentyabr, yakshanba kuni bo‘lib o‘tadi. Asosiy hakamning boshlang‘ich signalini Moskva vaqti bilan soat 22:00 da eshittirilishi rejalashtirilgan. Ushbu o‘yin muxlislar uchun katta qiziqish uyg‘otmoqda. Mark Bernalning maydonga qaytishi jamoaning hujum va himoya chizig‘ida muhim o‘zgarishlarga sabab bo‘lishi mumkin. Jamoa murabbiylari va tibbiyot xodimlari uning holatini diqqat bilan kuzatmoqda. O‘yin oldidan futbolchilar jismoniy va ruhiy jihatdan tayyorlanmoqda. Ushbu uchrashuv La Liga musobaqasida muhim ahamiyatga ega bo‘lib, jamoalar o‘z pozitsiyalarini mustahkamlashga intilmoqda. Bernalning maydonga qaytishi «Barselona» uchun katta imkoniyatdir.

Braziliyalik hujumchi Neymar "Santosa" jamoasida o‘ynagan paytlarida, Lionel Messi bilan "PSJ" jamoasida birga bo‘lgan voqeani esladi. Bu haqida Euro-football.ru xabar berdi. Neymarning so‘zlariga ko‘ra, u "PSJ"da bir safar Messidan penalti zarbasini urishni so‘ragan, biroq Messi bunga rozi bo‘lmagan va: "Yo‘q, men buni qilish uchun emasman. Yoki o‘zing ur, yoki Mbappenga ber", deb javob bergan. Messi hech qanday munozara qilmagan va juda osoyishta inson ekanligi ta’kidlangan. Neymar 2017 yildan 2023 yilgacha "PSJ"da o‘ynagan, Messi esa 2021 yildan 2023 yilgacha shu jamoada faoliyat yuritgan. Ular "PSJ"ga kelishdan oldin "Barselona"da ham birga o‘ynashgan va juda yaqin do‘stlar hisoblanadi. Hozirda 38 yoshli Messi Amerika Qo‘shma Shtatlaridagi "Inter Mayami" klubida faoliyat olib bormoqda. Neymar va Messi o‘rtasidagi do‘stlik va jamoaviy hamkorlik sport olamida ko‘plab muxlislar tomonidan yuqori baholanadi.

31 yoshli turk yarim himoyachisi Hakan Chalxanog‘lu, huquqlari Milan shahridagi «Inter» futbol klubiga tegishli bo‘lgan futbolchi, klubini o‘zgartirishi mumkin. Bu haqida Euro-football.ru xabar berdi. Fichajes nashrining ma’lumotlariga ko‘ra, yarim himoyachining o‘z vatanida faoliyat yuritishi uchun imkoniyat mavjud. Istanbulning «Galatasaroy» jamoasi Chalxanog‘lu transferiga qiziqish bildirmoqda. Turkiyaning yirik klubi yozgi transfer oynasida futbolchini o‘z safiga qo‘shishni rejalashtirmoqda. Ushbu kelishuv Istanbul jamoasiga taxminan o‘n million yevroga tushishi mumkin. Hakan Chalxanog‘lu 2021 yil yozidan beri «Inter» jamoasida o‘ynamoqda. O‘tgan mavsumda u «neradzurri» tarkibida 47 ta o‘yinda maydonga tushib, 11 ta gol urdi va sakkizta golga uzatma berdi. Futbolchi o‘zining tajribasi va o‘yindagi samaradorligi bilan jamoaga katta hissa qo‘shmoqda. Uning transferi haqida qo‘shimcha ma’lumotlar yaqin kunlarda e’lon qilinishi kutilmoqda.

Angliya futbol klubi "Lids" yangi bosh murabbiy izlamoqda. Bu haqida Euro-football.ru xabar berdi. Bu haqda Teamtalk jurnalistlari xabar bermoqda. Manba ma’lumotlariga ko‘ra, Premer-liga vakilining qiziqish doirasida ikkita taniqli portugal mutaxassisi bor. Ular — Joze Mourinyo va Nunu Eshpiritu Santu. Hozirda har ikkisi ish bilan ta’minlanmagan. "Maxsus" laqabli Mourinyo Turkiyaning "Fenerbaxche" klubini tark etdi, Santu esa "Vulverxempton" jamoasidan ayrildi. Hozirda "Lids" jamoasining bosh murabbiyi lavozimida Daniyel Farke faoliyat yuritmoqda. Angliya Premer-ligasining uchinchi turidan so‘ng jamoa to‘plagan to‘rt ochko bilan musobaqa jadvalida o‘n ikkinchi o‘rinda bormoqda. Klub rahbariyati yangi murabbiyni topish va jamoani yanada kuchaytirish ustida ishlamoqda. Yangi bosh murabbiy kim bo‘lishi jamoaning kelgusi o‘yinlariga ta’sir ko‘rsatishi kutilmoqda. Klub muxlislari va mutaxassislar bu qarorni diqqat bilan kuzatmoqda.

Jurnalist Igor Burbas «Chelsi» jamoasi futbolchisi Mixail Mudrik organizmida taqiqlangan moddalarning paydo bo‘lishi mumkin bo‘lgan sabablar haqida ma’lumot berdi. Bu haqida Euro-football.ru xabar berdi. Unga ko‘ra, Mudrik organizmiga ildiz hujayralarini kiritish uchun inyeksiya qilingan. Bu jarayon futbolchining sog‘ayishini tezlashtirish maqsadida amalga oshirilgan, chunki u noqulayliklarni his qilgan edi. Burbasning so‘zlariga ko‘ra, ildiz hujayralar sigir organizmidan olingan bo‘lib, ushbu sigir taqiqlangan modda — meldoniy ta’siriga duch kelgan bo‘lishi mumkin. 2023 yilda «Chelsi» jamoasi Mudrikni 70 million yevro evaziga sotib olgan. Oxirgi marta 24 yoshli vinger 2023 yil noyabr oyining oxirida maydonga tushgan. 2024 yil oxirida futbolchidan doping testi musbat natija berganligi sababli u vaqtincha jarimalangan va maydondan chetlashtirilgan. Ushbu holat futbolchining faoliyatiga salbiy ta’sir ko‘rsatgan. Klub va mutaxassislar uning sog‘lig‘ini tiklash uchun barcha choralarni ko‘rmoqda.