Texnologiya yangiliklari

Yangi GPT-4.5 modeli taqdim etildi! Asosiy o‘zgarishlar bilan siz uchun tanishib chiqdik. Aqlliroq – Yaxshiroq naqshlarni taniydi, xulosalar chiqaradi va kreativ g‘oyalar yaratadi. Kamroq xatolik – Savollarga aniqroq javob beradi va faktlarni kamroq to‘qib chiqaradi. Kontekstni tushunish – Yashirin ishoralar, ohang va hissiyotlarni yaxshiroq ilg‘aydi. Yordamchi sifatida zo‘r – Dasturlash, yozish va muammolarni hal qilishda yanada foydali. Jonli muloqot – Suhbatlar yanada tabiiy va intuitiv bo‘ldi. Kuchli asos – Katta miqyosdagi o‘qitish va optimallashtirish bilan yaxshilangan. Yangi funksiya: Agar so‘rasangiz, model keskin va tajang javoblar bera oladi. Bu yoqimli emas, ammo qiziqarli. Sam Altmanning so‘zlariga ko‘ra, bu "birinchi model bo‘lib, u bilan suhbat qilayotganda o‘zingizni e’tiborli inson bilan gaplashayotgandek his qilishingiz mumkin".

Olimlar umrni uzaytirish sirini ochib berishdi @ Surat: Frol Tarnovskiy / NewsFrol Xalqaro tadqiqotchilar guruhi inson umrini uzaytirish sohasida ulkan yutuqqa erishganini e’lon qildi. Yetakchi biolog va genetiklar tomonidan ishlab chiqilgan yangi texnologiya qarish jarayonini sezilarli darajada sekinlashtirib, umr davomiyligini o‘nlab yillarga uzaytirishi mumkin. Genetik inqilobmi yoki ilmiy fantastikami? Bu kashfiyotning asosi genlarni tahrirlash usuliga asoslangan bo‘lib, u hujayralarni qayta tiklash jarayoniga javobgar bo‘lgan maxsus DNK qismlarini faollashtirishga qaratilgan. Olimlarning ta’kidlashicha, yangi texnologiyalar yordamida qarishning zararli ta’sirini minimallashtirish va saraton, demensiya hamda yurak-qon tomir kasalliklari kabi yoshga bog‘liq xastaliklarning oldini olish mumkin. Kashfiyotning asosiy omillaridan biri ilgari aniqlangan SIRT6 oqsili bo‘lib, u “uzoq umr geni” sifatida tanilgan. Mazkur oqsilni faollashtirish bo‘yicha o‘tkazilgan laboratoriya tajribalarida sichqonlarning umrini qariyb 30 foizga uzaytirishga muvaffaq bo‘lingan. Olimlar ushbu metodni yaqin yillarda odamlarga moslashtirish mumkinligiga ishonch bildirmoqda. Axloqiy muammolar va ehtimoliy oqibatlar Har qanday ilmiy inqilob kabi, bu texnologiya ham turli bahs va savollarni keltirib chiqarmoqda. Bir tomondan, inson umrini uzaytirish – ulkan kashfiyot bo‘lsa, boshqa tomondan, bu jamiyat oldida yangi ijtimoiy va iqtisodiy muammolarni yuzaga keltirishi mumkin. Muhim savollar quyidagilar: Genetik yosharishni kimlar o‘ziga ravo ko‘ra oladi? Umr uzayishi sayyoramizda haddan tashqari aholining ko‘payishiga olib kelmaydimi? O‘rtacha umr ko‘payishi iqtisod va pensiya tizimiga qanday ta’sir qiladi? Ba’zi mutaxassislarning fikricha, bu texnologiya faqatgina jamiyatning yuqori qatlamiga – ya’ni boylarga taqdim etilishi mumkin, bu esa ijtimoiy tengsizlikni yanada chuqurlashtiradi. Boshqalar esa bu metod ommaviy ravishda joriy qilinsa, tibbiyot va sog‘liqni saqlash tizimida yangi davr boshlanishini ta’kidlamoqda. Kelajakda nimalar kutmoqda? Tadqiqotlar yakuniy bosqichga yetib kelgan va yaqin yillarda insonlarda ilk klinik sinovlar o‘tkazilishi mumkin. Agar olimlarning prognozlari o‘z isbotini topsa, biz XXI asrning eng muhim biotexnologik inqilobi arafasida turibmiz. Insoniyat bu yangi davrga tayyormi? Yoki axloqiy masalalar texnologiyaning ommalashishini sekinlashtiradimi? Bu savollarga faqat vaqt javob bera oladi.

Sun'iy intellekt hayotimizning ajralmas qismiga aylanib bormoqda. Microsoft korporatsiyasi ushbu yoʻnalishda yana bir ulkan qadam tashlab, OmniParser V2 sun'iy intellekt agentini taqdim etdi. Bu yangi texnologiya ekrandagi ma'lumotlarni avtomatik tahlil qilish va turli vazifalarni soddalashtirish imkoniyatini beradi. OmniParser V2 – bu nima? Microsoft tomonidan ishlab chiqilgan bepul va ochiq kodli sun'iy intellekt agenti. Har qanday ekrandagi ma'lumotni tahlil qilib, tezkor echim taklif qiladi. Muhim vazifalarni avtomatik bajaradi, vaqtni tejaydi. Avvallari bunday texnologiyalar ilmiy fantastikada tasvirlangan boʻlsa, endi esa hayotimizga real ravishda tatbiq etilmoqda. Endilikda AI yordamida qahva buyurtma qilish yoki murakkab hisobot tayyorlash mumkin! Microsoft – "yovuz korporatsiya"dan texnologik etakchiga Bir paytlar koʻpchilik Microsoft'ni monopolist va "yovuz korporatsiya" sifatida tilga olardi. Ammo bugungi kunda kompaniya sun'iy intellekt yoʻnalishida etakchiga aylanib, innovatsiyalar orqali dunyoga yangi imkoniyatlar taqdim etmoqda. Microsoft'ning OmniParser V2'si nafaqat oddiy foydalanuvchilar uchun, balki biznes va texnologiya sohalari uchun ham katta imkoniyatlar eshigini ochishi mumkin. Siz bu texnologiya haqida nima deb oʻylaysiz? OmniParser V2 hayotingizni yengillashtirishi mumkinmi?

Apple CarPlay tizimini sezilarli darajada yangilab, iOS 18.4 beta versiyasida katta ekranlar uchun uchinchi qator ikonka qo‘shdi. Bu o‘zgarish avtomobil ekranlarida interfeysni yanada qulay va zamonaviy qilishga qaratilgan. Avvalgi versiyalarda CarPlay barcha ekran o‘lchamlarida faqat ikkita qator ikonka ishlatgan, bu esa ba’zi avtomobillarda to‘liq mos tushmas edi. Yangi dizayn esa 11 dyuym va undan katta ekranlarga mos ravishda ikonkalarning hajmini kichraytirib, interfeysni yanada ixchamlashtirdi. Mazkur yangilanish iOS 18.4’ning rasmiy chiqarilishi bilan barcha CarPlay foydalanuvchilari uchun taqdim etiladi. Shu bilan birga, jamoatchilik Apple’ning yangi avlod CarPlay tizimini e’lon qilishini kutmoqda. Dastlab, kompaniya CarPlay 2.0 versiyasining 2024-yil oxirida taqdim etilishini aytgan edi, ammo hozircha rasmiy ma’lumot yo‘q. Yangi versiyada avtomobilning iqlim nazorati, to‘xtash kamerasi va boshqa tizimlari bilan integratsiya bo‘lishi kutilmoqda.

Milliarder Ilon Maskka tegishli xAI kompaniyasi sun'iy intellektga asoslangan til modeli — Grok 3 ishga tushirilganini e'lon qildi. «Bu yuz berdi: dunyodagi eng aqlli Grok 3 sun'iy intellekt modeli endi bepul», — deyiladi X ijtimoiy tarmogʻida joylangan xabarda. Postda chat-botga kirib foydalanish uchun havola ham koʻrsatilgan. X Premium+ va SuperGrok pulli obuna versiyalari egalari kengaytirilgan funktsiyalardan foydalana oladilar, qolaversa, ovozli rejim va boshqa qoʻshimcha qulayliklar ularga hammadan oldin taqdim etiladi. Bir necha kun avval Ilon Mask Grok 3 taqdim etilishidan darak berib, uni mavjud sun'iy intellekt chat-botlari orasida eng aqllisi, deya ta'riflagandi.

Apple kompaniyasi 599 dollardan boshlanadigan hamyonbop iPhone 16e modelini taqdim etdi. U bugungi kunda iPhone 16 lineykasidagi soʻnggi smartfon hisoblanib, “arzonroq narxda kuchli imkoniyatlarni” taklif qiladi, deb yozadi Daryo nashri. Foto: Apple Taxminlarga koʻra, yangi model iPhone SE’ning avvalgi arzon versiyasi oʻrnini egallaydi. Apple qurilmani modernizatsiya qilib, “uy” tugmasini olib tashladi va Face ID’li kattaroq ekranni qoʻshdi. Yangi model iPhone 16 va iPhone 16 Plus kabi A18 chipiga ega. Qurilma, shuningdek, Apple Intelligence sun'iy intellekt tizimini qoʻllab-quvvatlaydi. Orqa panelda bitta kamera joylashgan. Foto: Apple Yangi iPhone 16e soʻnggi premium modellar kabi sozlanadigan Action tugmasini, shuningdek, oflayn rejimda SMS yuborish va favqulodda xizmatlarga kirish uchun sun'iy yoʻldosh tarmoqlariga ulanish imkoniyatini oʻz ichiga oladi. Kompaniya yangi gadjetning batareya quvvati bir kunga etishiga ishontirdi. U iPhone 11’ga qaraganda olti soatgacha va barcha avlod iPhone SE’lariga qaraganda 12 soatgacha uzoqroq ishlaydi, deya ta'kidladi Apple. Yangi qurilma 128, 256 va 512 gigabaytli, shuningdek, oq va qora rangli versiyalarda taqdim etiladi. Bu Apple’ga qurilmani Evropa ittifoqida sotish imkoniyatini beradi — mintaqadagi gadjet ishlab chiqaruvchilardan aynan shunday portdan foydalanish talab etiladi. Oldingi iPhone SE modelida esa Lightning ulagichi mavjud edi, yangisi Type-C’ni qoʻllab-quvvatlaydi. Foto: Apple iPhone 16e modelida iPhone 16 lineykasidagi foydalanuvchilarga manzur xususiyatlar: uzoq vaqt avtonom ishlash, eng soʻnggi avlod A18 chipi asosidagi yuqori samaradorlik, “ikkisi birda” innovatsion kamera tizimi va Apple Intelligence bor, deya ta'kidladi Apple kompaniyasining iPhone marketing boʻyicha vitse-prezidenti Kayann Drans. Foto: Apple Yangilanish doirasida iPhone SE va iPhone 14 modellarining ishlab chiqarilishi toʻxtatildi. Foto: Apple

Foto: DesignBoom Yaponiyaning ZZZN kompaniyasi Sleep Apparel System nomli yangi innovatsion paxmoq kurtkani taqdim etdi. U foydalanuvchilarga istalgan joyda va vaqtda uxlash imkonini berib, nafaqat issiqlikni ta'minlaydi, balki bir nechta ilgʻor texnologik funktsiyalarni ham oʻz ichiga oladi, deb yozadi Daryo nashri. Kurtka quyidagi xususiyatlari bilan ajralib turadi: Biometrik ma'lumotlarni kuzatish: Sleep Apparel kurtkasi komplektida maxsus uzuk ham boʻlib, u foydalanuvchining uyqu holati, stress darajasi va yurak urish tezligini kuzatib boradi. Bu ma'lumotlar asosida kurtka egasiga moslashtirilgan optimal uyqu muhiti ta'minlanadi. Ovoz tizimi: Bosh qismiga oʻrnatilgan quloqchinlar orqali uyquga ketishni osonlashtiruvchi turli musiqa va ohanglar taraladi. Bu quloqchinlar tashqi shovqinni izolyatsiya qilib, chuqur dam olishga yordam beradi. Foto: DesignBoom Yoritish tizimi: Uyquga ketish jarayonida bosh qismidagi qizil yoritgichlar quyosh botgandagi shafaqdek sokinlik beradi. Uygʻonish vaqtida esa koʻk yoritgichlar va maxsus musiqa tananing tetiklashishiga koʻmaklashadi. Ergonomik dizayn: Kurtka englari va etakdagi tortuvchi iplar yordamida, foydalanuvchi oʻzining oʻlchamiga mos ravishda kiyimni sozlab olishi mumkin. Foto: DesignBoom Turli sharoitlarga moslashuvchanlik: Kurtkaning bosh qismi va kapyushoni bosqichma-bosqich yopiladi va tik oʻtirgan holatda ham uxlash imkonini beradi. Shuningdek, u foydalanuvchining uyqu holati, atrof-muhit harorati va sharoitlariga mos ravishda sozlanadi. ZZZN Sleep Apparel System kurtkasi 2025 yilda 13 apreldan 13 oktyabrgacha Osaka shahrida boʻlib oʻtadigan Expo koʻrgazmasida namoyish etilishi rejalashtirilgan.

Tether kompaniyasi Neuralink’ga o‘xshash neyrochip yaratish ustida ishlamoqda. USDT emitenti Neurotech kompaniyasi bilan hamkorlik qilib, falaj odamlarning robotlar, dronlar va matn yozish tizimlarini fikr kuchi bilan boshqarishiga yordam beradigan texnologiyalarni rivojlantirmoqda. Tether ushbu tadqiqotlarga 200 million dollar sarmoya kiritgan. Ma’lumki, Neuralink — bu Ilon Mask tomonidan asos solingan neyrotexnologik kompaniya bo‘lib, u miya va kompyuter o‘rtasida bevosita aloqa o‘rnatish uchun implantlar ishlab chiqadi. Uning maqsadi falaj odamlarning harakatlanishini tiklash, sun’iy aql bilan integratsiyani kuchaytirish va miyani to‘g‘ridan-to‘g‘ri texnologiyalarga ulash imkoniyatini yaratishdan iborat.

Taniqli milliarder va xAI texnologiya kompaniyasi rahbari Ilon Mask yangilangan Grok 3 chat-boti taqdim etilishini e'lon qildi. Mask ushbu yangi sun'iy intellektni "Erdagi eng aqlli AI" deb ta'rifladi. Uning taqdimoti 18 fevral kuni Toshkent vaqti bilan soat 05:00 da (Tinch okeani vaqti bilan 17 fevral 20:00 da) boʻlib oʻtadi. Yangilangan Grok 3 tizimi ma'lumotlarni tahlil qilish va javob berish boʻyicha ilgari hech bir ishlanma erisha olmagan darajada yuqori samaradorlikka ega. Sinovlarda Grok 3 raqobatchilarini ortda qoldirgani haqida Mask ma'lum qildi. Avvallari Grok chat-botidan faqat X Premium obunachilari foydalanishlari mumkin edi. Grok 3 esa barcha uchun bepul. Uni ishlatish uchun grok.com veb-sayti yoki mobil ilova orqali kirish kifoya. Chat-botning asosiy farqi — deyarli chegarasiz savol-javob imkoniyatiga ega boʻlishi.

Foto: Xiaomi Xiaomi kompaniyasi oʻz flagman smartfonlari turkumi — Xiaomi 15 global miqyosda taqdim etiladigan sanani rasman e'lon qildi. Bu haqda GizmoChina xabar berdi. Taqdimot 2025 yilning 2 mart kuni Barselonadagi MWC koʻrgazmasi doirasida oʻtkaziladi. Yangi turkumdan standart Xiaomi 15 hamda foto olish imkoniyatlari kuchaytirilgan Xiaomi 15 Ultra smartfoni oʻrin olgan. Hozircha mavjud ma'lumotlarga koʻra, Xiaomi 15 Ultra smartfonida 200 megapikselli periskopik teleob'ektiv (4,3 karra optik zumga ega) va asosiy Sony LYT-900 sensori oʻrnatilgan, natijada yorugʻlik etarli boʻlmagan sharoit va zumdan foydalanganda tasvir sifati yuqoriligi ta'minlanadi. Ma'lumot uchun: standart Xiaomi 15 smartfoni 2024 yil oxirida Xitoyda taqdim etilgan. Qurilma 6,36 dyuymli OLED-displey (yangilanish tezligi — 120 Gs), Snapdragon 8 Elite protsessori, 5400 mAs sigʻimli akkumulyator (quvvatlash texnologiyasi — 90 Vt)ga ega. Smartfonning global versiyasida 12 GB operativ xotira va 512 GB ichki xotira koʻzda tutilgan.

Statistika agentligining dastlabki ma'lumotlariga koʻra, Oʻzbekiston 2024 yilda xorijdan qariyb 4,2 mln dona mobil telefon import qilgan. Import qilingan mobil telefonlarning umumiy qiymati 374,5 mln AQSh dollariga teng boʻlgan. Oʻzbekistonga 2024 yilda eng koʻp telefon import qilgan davlatlar: Xitoy – 3,4 mln dona; Vetnam – 589,4 ming dona; Hindiston – 113,6 ming dona; Hongkong – 46,1 ming dona; Boshqa davlatlar – 5,4 ming dona.

Microsoft kompaniyasi Windows 11 va Windows 10 operatsion tizimlari uchun katta yangilanishlarni chiqardi. Fevral oyidagi 2025 yilgi apdeyt tizim xavfsizligini mustahkamlash va foydalanuvchilar qulayligini oshirishga qaratilgan bo‘lib, muhim xavfsizlik tuzatishlari hamda yangi funksiyalarni o‘z ichiga oladi. Windows 11 foydalanuvchilari (23H2 va 24H2 versiyalari) uchun ushbu yangilanish bir qator innovatsiyalarni taqdim etdi. Eng diqqatga sazovor yangiliklardan biri – "Explorer" (Fayl menejeri) oynalarini avtomatik tiklash funksiyasi bo‘lib, bu xususiyat kompyuter qayta yoqilganda ochiq turgan fayllarni qayta tiklashga imkon beradi. Neyroprotsessorli (NPU) qurilmalar uchun Windows Studio Effects boshqaruvi vazifalar paneliga kiritildi. Endi shovqin bostirish va fon effektlarini sozlash birgina bosish orqali amalga oshiriladi. Shuningdek, ilovalar oldindan ko‘rish animatsiyasi yaxshilanib, interfeys yanada silliq ishlaydi. Geymerlar uchun esa avto-HDR optimallashtirildi – ranglarning haddan tashqari to‘yinganligi muammosi bartaraf qilinib, vizual sifat yaxshilandi. Bundan tashqari, o‘yin kontrollerlari ulanganida kompyuter sekin o‘chishi va USB kameralar noto‘g‘ri aniqlanishi kabi xatoliklar tuzatildi. Windows 10 foydalanuvchilari (19044.5487 va 19045.5487) uchun asosiy yangilik – yangi Outlook ilovasining avtomatik integratsiyasi bo‘ldi. U tizim menyusiga qo‘shiladi, lekin mavjud pochta sozlamalariga ta’sir qilmaydi. Shuningdek, yuqori resurs talab qiluvchi ilovalarda nosozliklarga sabab bo‘lgan virtual xotira oqish muammosi bartaraf etildi. Har ikkala tizim uchun yangilanish jami 55 ta zaiflikni bartaraf etadi, jumladan: CVE-2025-21391 – Windows xotirasidagi fayllarni ruxsatsiz o‘chirish xavfi; CVE-2025-21377 – NTLM xeshlarining sizib chiqishi va akkaunt xavfsizligiga tahdid; CVE-2025-21194 – UEFI himoyasini aylanib o‘tishga imkon beruvchi xatolik. Mutaxassislar ushbu yangilanishni imkon qadar tezroq o‘rnatishni tavsiya etmoqda. Ayrim funksiyalar, jumladan, "Explorer" oynalarini tiklash, bosqichma-bosqich faollashtiriladi va bir necha hafta ichida barcha foydalanuvchilarga yetib borishi kutilmoqda. Ushbu apdeytlar Microsoft'ning Windows 10'ni hamon qo‘llab-quvvatlayotganini tasdiqlaydi.

AMD vitse-prezidenti Devid Makafi Radeon RX 9000 seriyasi uchun taqdimot sanasini e’lon qildi. Unga ko‘ra, tadbir 28-fevralda o‘tkaziladi. Prezentatsiya YouTube orqali jonli efirda bo‘lib o‘tadi, unda AMD RX 9070 Ti va RX 9070 videokartalari haqida batafsil ma’lumot beradi. Ushbu modellarda RDNA4 arxitekturasi qo‘llanilib, FSR4 upskalerini qo‘llab-quvvatlaydi. Yangi RX 9070 XT va RX 9070 2025-yil mart oyining boshida sotuvga chiqishi kutilmoqda. Shu bilan birga, raqobatchi Nvidia GeForce RTX 5070 Ti esa 20-fevraldan sotuvga chiqishi mumkin.

Nvidia rasmiy veb-saytida GeForce RTX 5070 seriyasi, jumladan RTX 5070 Ti chiqish sanalarini e'lon qildi. Unga ko‘ra: GeForce RTX 5070 Ti – 20-fevral, narxi 749 dollar; GeForce RTX 5070 – 5-mart, narxi 549 dollar. Texnik xususiyatlar avvalroq tasdiqlangan: Grafik protsessor: GB203-300 CUDA yadrolari: 8960 Video xotira: 16 GB GDDR7 (896 GB/s o'tkazuvchanlik) Shina: 256 bit Quvvat iste’moli: 300 Vt RTX 5070 mart oyida kuchli raqobatga duch keladi, chunki AMD Radeon RX 9000 seriyasining chiqishini mart boshiga rejalashtirmoqda. Ushbu videokartalar haqida batafsil ma'lumot fevral oxiridagi taqdimotda ma’lum qilinadi.

GTA 6 eng kutilgan o‘yinlardan biri hisoblanadi. Konsollar uchun chiqarilish sanasi 2025 yilning kuziga belgilangan, biroq ko‘plab geymerlar kompyuter versiyasini ham intizorlik bilan kutmoqda. Rockstar Games rasman ma’lumot bermagan bo‘lsa-da, o‘yinning PC versiyasi haqidagi mish-mishlar tobora aniq shaklga kirib bormoqda. Corsair bosh direktori Endi Polning so‘zlariga ko‘ra, GTA 6 kompyuter uchun 2026 yil boshida chiqishi mumkin. Bu haqda u yaqinda bo‘lib o‘tgan uchrashuvda, apparat bozoridagi tendensiyalar va yangi Blackwell 50 videokartalariga bo‘lgan qiziqish haqida gapirar ekan aytib o‘tgan. Polning ta’kidlashicha, GTA 6 yuqori texnik talabga ega bo‘ladi va bu kompyuter jihozlari bozorining o‘sishiga turtki bo‘lishi mumkin. Shunga qaramay, Rockstar hali PC versiyasining chiqish sanasini tasdiqlamagan. Biroq, yaqinda Take-Two rahbari Shtraus Zelnick kompyuter bozori kompaniya uchun tobora muhim ahamiyat kasb etayotganini va bu platforma umumiy o‘yin savdolarining 40% gacha ulushini egallashi mumkinligini aytib o‘tgan. Bu yondashuv Rockstar uchun yangilik emas, chunki kompaniya avval ham GTA 5 va Red Dead Redemption 2 o‘yinlarida PC versiyasining chiqarilishini kechiktirish strategiyasidan foydalangan. Agar Endi Polning taxminlari to‘g‘ri chiqsa, GTA 6 kompyuter foydalanuvchilari konsollardan taxminan olti oy keyin o‘yin bilan tanishish imkoniyatiga ega bo‘lishadi. Hozircha bu faqat taxmin bo‘lib, rasmiy tasdiqlanmagan ma’lumotlarga asoslangan bo‘lishi mumkin.

AMD 28-fevral kuni YouTube orqali jonli efir o‘tkazib, yangi Radeon RX 9000 seriyali grafik kartalarining texnik xususiyatlari va narxlari haqida ma’lumot beradi. Geymerlar ushbu taqdimotni CES 2025 ko‘rgazmasida kutgan edi, biroq AMD faqat qisqa teaser bilan cheklangan va asosiy taqdimotni alohida o‘tkazishga qaror qilgan edi. NVIDIA esa ushbu e’lon fonida RTX 5070 modelining chiqarilishini fevral oxiridan 5-martga ko‘chirdi, biroq RTX 5070 Ti 20-fevral kuni rejalashtirilganidek sotuvga chiqadi. Aftidan, NVIDIA RX 9070 va 9070 XT faqat RTX 5070 modeli bilan raqobat qilishi mumkin deb hisoblab, uning chiqishini keyinga surgan.

OpenAI rahbari Sem Altman ijtimoiy tarmoq X dagi postida sun'iy intellektning yangi modeli – GPT-5 barcha foydalanuvchilar uchun butunlay bepul taqdim etilishini e'lon qildi. “ChatGPT ning bepul obunachilari GPT-5 ning asosiy funktsiyalaridan cheklovsiz foydalanish imkoniga ega boʻladilar. Plus va Pro obunachilar esa ovoz va tasvir yaratish, chuqur ma'lumot tahlili kabi qoʻshimcha imkoniyatlarga ega boʻladilar”, – deb yozdi Altman. Bundan tashqari, OpenAI rahbari tez orada GPT-4.5 modelining yangilanishi – ichki nomi Orion boʻlgan versiya chiqarilishini e'lon qildi. Ushbu yangilanishdan soʻng kompaniyaning asosiy maqsadi barcha modellarni yagona tizimga birlashtirish va barcha vositalardan foydalanish imkoniyatini yaratish boʻladi. Altman soʻzlariga koʻra, OpenAI mahsulotlarini yanada qulay va tushunarli qilishni maqsad qilgan boʻlib, bularni yagona ekotizimga birlashtirish ustida ishlamoqda.

Google bozor ulushini yo‘qotmoqda, ammo hali ham 95% ni nazorat qiladi. Sun’iy intellekt asosidagi qidiruv tizimlari rivojlanayotgan bo‘lsa-da, Google hali ham raqobatchilarsiz qolmoqda. Seranking 2024 hisobotiga ko‘ra, kompaniyaning qidiruv bozoridagi ulushi 0,91% ga kamaygan, ammo u hali ham 95% organik trafikni ta’minlaydi. Eng yaqin raqobatchi Microsoft Bing 0,17% o‘sish bilan 3,51% ga yetdi. DuckDuckGo va Yahoo esa bozorning 1% dan kam ulushiga ega bo‘lib qolmoqda. Sun’iy intellekt qidiruvlari ommalashmoqda 2024-yilda ChatGPT qidiruvi tez rivojlanib, 0,09% bozor ulushiga yetdi, Perplexity esa 0,02% ga o‘sdi. Ammo bu natijalar Google pozitsiyalariga jiddiy ta’sir ko‘rsatmaydi. Microsoft Bing’ga sun’iy intellekt integratsiyasini joriy qilib, Google foydalanuvchilarini o‘ziga jalb qilishni rejalashtirmoqda. Ammo Google AI Overviews va Gemini 2.0 kabi innovatsion texnologiyalari bilan o‘z yetakchiligini saqlab qolyapti. Google hozircha 24 barobar katta ulushga ega bo‘lib, qidiruv bozorining mutlaq yetakchisi bo‘lib qolmoqda.

Geekbench bazasida Intel Core i9-15900K protsessori paydo boʻldi. Biroq, uning yadrolari va oqimlari soni Core i9-14900K bilan mos kelishi sababli, bu model notoʻgʻri identifikatsiya qilingan muhandislik namunasi boʻlishi mumkin. Protsessor 24 yadro va 32 oqim, shuningdek 8 MB L2 va 36 MB L3 keshga ega. U LGA 1700 soketida ishlaydi va Raptor Lake yoki Raptor Lake Refresh seriyasiga tegishli. Aslida Intel'ning haqiqiy 15-avlod (Arrow Lake) protsessorlari boshqa identifikatorga ega. Geekbench testlari natijalari umidsizlikka sabab boʻldi: Yagona yadro testi – 2279 ball Koʻp yadroli testi – 11690 ball Bu Core i9-14900K natijalaridan ancha past (taxminan 3000 va 20000 ball). Bundan tashqari, 15900K protsessorining tezligi ham past: bazaviy chastotasi 800 MHz, maksimal Boost 4.8 GHz, holbuki 14900K ning maksimal chastotasi 5.8 GHz. Test JGINYUE B760I Snow Dream anokartida oʻtkazilgan. Intel 15000-seriyasini chiqarishni rejalashtirmayotganini tasdiqladi. Bu faqat notoʻgʻri aniqlangan Core Ultra 2 vakili boʻlib, yangi avlod protsessorlar tez orada paydo boʻlmaydi.

Xitoylik texnobloger Electrolytic Sodium Carbonate (ESC) oʻzining noodatiy sovutish tizimini ishlab chiqdi. U shaxsiy kompyuterini Xiaomi KFR-35GW konditsioneriga (12 000 BTU) ulab, rekord darajadagi past haroratlarni qayd etdi. Test uchun Intel Core i9-13900K va Nvidia GeForce RTX 4090’dan iborat tizim ishlatildi. Ammo blogerning fikricha, bu sovutish usuli Intel Core i9-14900K va Nvidia RTX 5090 kabi yanada kuchli qurilmalar uchun ham mukammal boʻladi. U hozirda yangi RTX 5090 uchun mos keladigan suv bloki chiqishini kutmoqda. Bunday sovutish tizimini yaratish uchun konditsioner sezilarli darajada modifikatsiya qilindi. Qurilmaning oʻlchami 765 × 268 × 550 mm boʻlib, samaradorligi yuqori ekanligi isbotlandi. FurMark va AIDA System Stability Test kabi stress-testlar yordamida 40 daqiqalik yuklamadan soʻng, protsessor yadrolari dastlabki haroratidan atigi bir necha daraja issiqroq boʻldi. Keyinchalik konditsioner tashqariga olib chiqildi. GPU harorati dastlab atigi 2 °C boʻldi, yuklama paytida esa 12 °C gacha koʻtarildi. Qayta oʻtkazilgan testlarda esa maksimal harorat 20–36 °C oraligʻida boʻldi. Loyihani ishlab chiqqan bloger bu sovutish tizimi kelajakdagi Nvidia RTX 6090 uchun ham mos kelishini ta'kidlamoqda.

Apple kompaniyasi yaqinda yangi iPhone 17 smartfonini taqdim etdi. Bu haqida Zamin.uz xabar berdi. Toshkentdagi "Malika" bozorida sotuvchilar bilan suhbat natijasida ushbu yangi modellar uchun taxminiy narxlar aniqlangan. Ma’lum bo‘lishicha, iPhone 17 smartfonlari O‘zbekistonda 23 sentyabrdan boshlab sotuvga chiqariladi. Narxlar xotira hajmi va qurilmaning funksiyalariga qarab farqlanadi. Masalan, iPhone 17 ning 256 gigabaytli modeli taxminan 16 million 250 ming so‘m atrofida baholanmoqda. Kattaroq xotira hajmiga ega modellarning narxi esa yuqoriroq bo‘ladi. iPhone 17 Pro va Pro Max versiyalari esa yanada ko‘p funksiyalar va imkoniyatlarga ega bo‘lib, ularning narxlari 23 million so‘mdan boshlanib, 50 million so‘mga yaqinlashadi. Ushbu yangi smartfonlar O‘zbekiston bozorida katta qiziqish uyg‘otishi kutilmoqda. Xaridorlar uchun eng maqbul variantni tanlashda xotira hajmi va byudjet muhim omillar hisoblanadi. Shuningdek, rasmiy savdo nuqtalarida to‘liq kafolat va xizmat ko‘rsatish imkoniyatlari taqdim etilishi kutilyapti. Yangi iPhone 17 modellarining O‘zbekistonda sotuvga chiqishi smartfon bozorida yangiliklar va raqobatni kuchaytiradi.

Alibaba kompaniyasi yangi xaritalar ilovasi Amapda qo‘shimcha xizmatni ishga tushirdi. Bu haqida Zamin.uz xabar berdi. Endilikda ilova restoranlar, mehmonxonalar va sayyohlik joylarini reytinglash imkonini beradi. Bu yangilik Meituan kompaniyasi bilan raqobatni yanada kuchaytirmoqda. Iste’molchilar uzoq vaqtdan beri ovqatlanish joylarini topish va buyurtma berish uchun turli ilovalarga murojaat qiladilar. Yangi xizmat sun’iy intellekt texnologiyasi yordamida eng yaxshi maskanlarni aniqlash va tavsiya qilishga qaratilgan. Ilova 300 dan ortiq shaharda faoliyat yurituvchi 1,6 milliondan ziyod biznes obektlarini qamrab oladi. Shu bilan birga, Meituan ham o‘z ilovasini yangilab, foydalanuvchilarga kuponlar va chegirmalar taklif etmoqda. Bu imkoniyatlar orqali iste’molchilar qulaylik bilan restoran tanlash va buyurtma berish imkoniga ega bo‘ladi. Mutaxassislar hukumat tomonidan narxlar urushi kuzatilayotganini ta’kidlab, bunday raqobat iste’molchilarning xarid odatlariga sezilarli ta’sir ko‘rsatishini bildiradi. Umuman olganda, onlayn xizmatlar sohasidagi raqobat iste’molchilarga kengroq tanlov va qulaylik yaratmoqda.

O‘zbekiston Markaziy banki 2025 yil 12 sentabr kuni uchun xorijiy valutalarning rasmiy kurslarini e’lon qildi. Bu haqida Zamin.uz xabar berdi. Ma’lum qilinishicha, ushbu sanada barcha asosiy xorijiy valyutalarning milliy valyutaga nisbatan qiymati oshgan. Jumladan, AQSH dollari 86,49 so‘mga ko‘tarilib, 12 447,35 so‘mni tashkil etdi. Yevro kursi 66,46 so‘mga oshib, 14 545,97 so‘mga yetdi. Shuningdek, Birlashgan Qirollik funti 68,59 so‘mga o‘sib, 16 808,90 so‘mga ko‘tarildi. Rossiya rubli 0,42 so‘mga oshib, 146,08 so‘mga teng bo‘ldi. Xitoy yuani 11,33 so‘mga ko‘tarilib, 1 747,09 so‘mni tashkil etdi. Yapon iyenasi 0,27 so‘mga oshib, 84,12 so‘mga yetdi. Qozog‘iston tengesi ham 0,13 so‘mga ko‘tarilib, 23,09 so‘m qiymatga ega bo‘ldi. Ushbu o‘zgarishlar valyuta bozoridagi so‘nggi holatni aks ettiradi va iqtisodiy faoliyatda muhim ahamiyatga ega. Markaziy bankning rasmiy kurslari valyuta ayirboshlash operatsiyalarida asosiy ko‘rsatkich hisoblanadi. Shuningdek, ular eksport-import faoliyatiga ham ta’sir ko‘rsatadi. Valyuta kurslarining oshishi milliy valyutaning kuchlanishini ko‘rsatadi va iqtisodiy sharoitlarni tahlil qilishda muhimdir. Bu ma’lumotlar iqtisodiy rejalashtirish va moliyaviy qarorlar qabul qilishda yordam beradi. O‘zbekiston iqtisodiyoti uchun barqaror valyuta kurslari muhim ahamiyatga ega bo‘lib, ular mamlakatning moliyaviy barqarorligini ta’minlashga xizmat qiladi.

Berlin shahrida o‘tkazilgan IFA 2025 xalqaro ko‘rgazmasida Xitoyning Ant Group kompaniyasi yangi odamsimon robotini taqdim etdi. Bu haqida Zamin.uz xabar berdi. Robbyant R1 nomli ushbu robot nafaqat oshxonada ovqat tayyorlash, balki muzeylarda gidlik qilish va dorixonalarda yordamchi vazifasini bajarishga qodir. Robot turli vazifalarni aniq va samarali bajaradi, masalan, masalliqlarni tanlash, plita oldida ishlash, taom tayyorlash va dasturxonga tortish jarayonlarini mukammal bajaradi. R1 robotining asosiy afzalligi uning BaiLing sun’iy intellekt tizimiga ega bo‘lishidir. Bu tizim robotga ishni boshidan oxirigacha anglash imkonini beradi. Shuningdek, robot fazoviy idrok tizimi yordamida pichoq, taxta va sabzavot kabi buyumlarni aniq ajrata oladi va ularga ehtiyotkorlik bilan munosabatda bo‘ladi. Maxsus sensorlar va ilg‘or algoritmlar yordamida harakatlari xavfsiz va samarali amalga oshiriladi. Kompaniya vakillari ta’kidlaganidek, R1 robotidan nafaqat restoranlarda, balki sog‘liqni saqlash muassasalari, turizm sohasi va keksalarga xizmat ko‘rsatishda ham keng foydalanish mumkin. Shu sababli, robot kundalik hayotda va turli xizmat ko‘rsatish tarmoqlarida keng qo‘llanilishi rejalashtirilmoqda. Ant Group Alibaba Group tarkibiga kiradi va kompaniya yevropalik hamkorlar bilan hamkorlikni rivojlantirish ustida faol ish olib bormoqda. Mutaxassislarning fikricha, ushbu innovatsiya kelajakda butun dunyo restoranlari va xizmat ko‘rsatish sohasini tubdan o‘zgartirishi mumkin. Bu robot yangi texnologiyalar yordamida inson hayotini yengillashtirishda muhim rol o‘ynaydi.

Yevropa Ittifoqi tomonidan joriy etilgan yangi majburiy chidamlilik sinovlari Apple kompaniyasining eng so‘nggi flagmani bo‘lgan iPhone 17 modelida jiddiy kamchiliklarni aniqladi. Bu haqda Zamin.uz xabar berdi. Qurilmaning batareyasi sezilarli darajada yaxshilangan bo‘lsa-da, uning yiqilish va tashqi ta’sirlarga chidamliligi raqobatchi brendlardan past ekanligi ma’lum bo‘ldi. GSMArena nashri xabariga ko‘ra, Yevropa Ittifoqida joriy qilingan maxsus markalash tizimi har bir elektron qurilmaning chidamlilik va ta’mirlanuvchanlik darajasini belgilaydi. Ushbu tizim asosida o‘tkazilgan sinovlarda iPhone 17 Pro Max B sinfiga mansub deb topildi. Bu qurilma taxminan 180 marta yiqilish sinoviga bardosh bera olishini anglatadi. O‘tgan yilgi iPhone 16 Pro Max esa C sinfiga kiritilib, faqat 90 marta yiqilishdan keyin chidamlilik ko‘rsatgan edi. Yangi modelda bu ko‘rsatkich ikki barobar oshgan bo‘lsa-da, hali ham yetakchi raqobatchilardan orqada qolmoqda. Masalan, Samsung Galaxy S25 Ultra va Google Pixel 10 Pro XL kabi so‘nggi flagmanlar 270 marta yiqilish sinovidan muvaffaqiyatli o‘tib, eng yuqori A sinfiga kiritilgan. Bu Apple smartfonlari kundalik foydalanishda ko‘proq shikastlanish xavfi borligini ko‘rsatadi. Shuningdek, yumshoq korpusga ega bo‘lgan iPhone Air Pro Max ham B sinfi natijalarini qayd etdi. Ta’mirlanish imkoniyatlari bo‘yicha ham iPhone 17 raqobatchilardan orqada qolmoqda. Qurilma S sinfiga kiritilgan, bu Samsung bilan bir xil, ammo Google Pixel B sinfiga mansub bo‘lib, ta’mirlash jihatidan yaxshiroq hisoblanadi. Biroq, iPhone 17 Pro Max batareyasi energiya samaradorligi bo‘yicha yuqori ko‘rsatkichga ega bo‘lib, A sinfiga kiritilgan va uning ishlash muddati 53 soatga yetgan. Bu ko‘rsatkich ko‘pgina raqobatchilardan ustun hisoblanadi. Shunga qaramay, Apple batareyasi atigi 1000 ta zaryadlanish sikliga mo‘ljallangan, Samsung qurilmalaridagi akkumulyatorlar esa 2000 siklgacha xizmat qilishi mumkin. Bu amalda ikki barobar uzoq umrga ega ekanligini bildiradi.

So‘nggi paytlarda odamlar shaxsiy hayotlari, ma'naviy muammolari va ichki osoyishtalik izlash maqsadida sun’iy intellekt asosidagi chatbotlarga murojaat qilmoqda. Bu haqda Zamin.uz xabar berdi. Bu holat texnologiyaning inson ehtiyojlarining yangi va muhim sohasiga kirib borayotganidan dalolat beradi. Ruhiy maslahat beruvchi chatbotlar turli diniy yo‘nalishlar, meditatsiya usullari va shaxsiy rivojlanish bo‘yicha foydali tavsiyalar beradi. Foydalanuvchilar ularni tezkor javob berishi, hukmsiz bo‘lishi va doim mavjudligi sababli tanlaydi. Mutaxassislarning fikricha, bunday chatbotlar haqiqiy ruhiy maslahatchilarni to‘liq o‘rnini bosa olmasa-da, odamlarni yolg‘izlik hissidan qutqarishda yordam beradi. Bu esa zamonaviy jamiyatda ma'naviy suhbatga bo‘lgan ehtiyojning oshib borayotganini ko‘rsatadi. Shu sababli sun’iy intellekt ruhiy qo‘llab-quvvatlash sohasida muhim vosita sifatida qaralmoqda.

Jaguar Land Rover kompaniyasi kiberhujum sababli ishlab chiqarishni vaqtincha to‘xtatishga majbur bo‘ldi. Bu haqida Zamin.uz xabar berdi. Buyuk Britaniyadagi zavodlarda ish jarayoni to‘xtab, ishchilar vaqtincha uylariga yuborildi. Dastlab kompaniya ma’lumotlar o‘g‘irlanmaganini ma’lum qilgan bo‘lsa-da, 11 kun o‘tib ayrim ma’lumotlar ta’sirlanganini tan oldi. Hozircha qaysi ma’lumotlar o‘g‘irlangani haqida aniq ma’lumot berilmadi. Hujumni “Scattered Lapsus$ Hunters” nomli kiberjinoyatchilar guruhi o‘z zimmasiga oldi. Jaguar Land Rover IT tizimlarini vaqtincha o‘chirib, ularni qayta tiklash ustida ishlamoqda. Buyuk Britaniya hukumati va kiberxavfsizlik markazi kompaniyaga yordam ko‘rsatmoqda. Mutaxassislar zavodlarning yaqin kunlarda ish faoliyatini tiklashini kutmoqda. Ushbu holat avtomobilsozlik sohasida kiberxavfsizlikning muhimligini yana bir bor ko‘rsatdi. Kompaniya xavfsizlik choralarini kuchaytirish va tizimlarni mustahkamlash bo‘yicha ishlarga kirishdi. Shuningdek, foydalanuvchilar va mijozlar ma’lumotlarini himoya qilishga alohida e’tibor qaratilmoqda. Bu voqea sanoat tarmoqlarida kiberhujumlarga qarshi kurashish zaruratini yanada oshirdi. Jaguar Land Rover va boshqa kompaniyalar bunday holatlarning oldini olish uchun yangi texnologiyalar va xavfsizlik tizimlarini joriy etishga harakat qilmoqda. Kiberxavfsizlik sohasidagi hamkorlik va malaka oshirish ishlariga alohida e’tibor qaratilmoqda.

Apple kompaniyasi sentyabr oyida o‘tkazilgan yirik taqdimotdan so‘ng jurnalistlarga yangi qurilmalarni amalda sinab ko‘rish imkoniyatini berdi. Bu haqida Zamin.uz xabar berdi. Shu paytdan boshlab iPhone Air va boshqa yangi modellarning fotosuratlari hamda videolari internetda keng tarqaldi. The Verge nashri yangi iPhone’ni qo‘lga olib sinab ko‘rish bilan birga, uni asosiy raqibi hisoblangan Galaxy S25 Edge modeli bilan taqqosladi. Ma’lumotlarga ko‘ra, iPhone Air 19 sentyabrdan boshlab Amerika Qo‘shma Shtatlarida 999 dollardan sotuvga chiqariladi. Rossiya bozorida esa uning narxi 144 990 rubl atrofida belgilangan. Ushbu yangiliklar qurilmaning texnik imkoniyatlari va narxlari haqida aniq tasavvur hosil qilishga yordam beradi. Apple’ning yangi modeli iste’molchilar tomonidan katta qiziqish bilan kutib olinmoqda. Yangi iPhone Air o‘zining zamonaviy dizayni va yuqori samaradorligi bilan bozorda o‘z o‘rnini mustahkamlashni maqsad qilgan. Shuningdek, kompaniya yangi qurilmani keng ommaga taqdim etish orqali raqobatbardoshligini oshirishni ko‘zlamoqda. Bu yangiliklar texnologiya ixlosmandlari va mutaxassislar orasida katta e’tibor bilan qabul qilindi. Apple’ning yangi mahsuloti bozor talablariga mos ravishda ishlab chiqilgan va yuqori sifatli materiallardan tayyorlangan. Qurilmaning chiqishi ko‘plab foydalanuvchilar uchun yangi imkoniyatlar eshigini ochadi.