Samarqand 3–5 aprel kunlari Yevroittifoq–Markaziy Osiyo sammiti munosabati bilan vaqtincha yopiladi, deb Autostrada.uz xabar berdi.
2025-yil 3, 4 va 5-aprel kunlari Samarqandda Yevropa Ittifoqi va Markaziy Osiyo mamlakatlari (Qozog‘iston, Qirg‘iziston, Tojikiston, Turkmaniston va O‘zbekiston) rahbarlari o‘rtasida ilk sammit bo‘lib o‘tadi. Dastur doirasida “Samarkand Climate Forum 2025” ham o‘tkaziladi.
Yevropa Ittifoqi nomidan sammitda Yevropa Kengashi prezidenti Antonio Kosta va Yevropa Komissiyasi rahbari Ursula fon der Lyayen ishtirok etadi. Mezbonlikni O‘zbekiston prezidenti Shavkat Mirziyoyev qiladi. Tadbir “Silk Road Samarkand” kongress-markazida bo‘lib o‘tadi.
Tashrif buyuruvchilar xavfsizligi va qulayligi uchun shaharga avtomobilda kirish uch kun davomida taqiqlanadi. Tranzit transport vositalari uchun aylanma yo‘llar ko‘rsatiladi. Aholidan esa bu kunlarda shaharga safar qilmaslik so‘ralgan.
3–5 aprel kunlari Samarqandga kirish cheklanadi
👍 0❤️ 0😂 0😢 0😡 0
