Chevrolet NASCAR uchun 1300 ot kuchiga ega elektr avtomobilni yaratdi

Chevrolet kompaniyasi Blazer EV.R deb nomlangan elektr avtomobilni namoyish qildi. U seriyali Blazer bilan faqat tashqi dizayn jihatidan o‘xshash. Aslida esa bu NASCAR musobaqalarining elektr versiyasi uchun uch motorli prototip hisoblanadi. 1300 ot kuchiga ega ushbu modelning rasmiy taqdimoti Daytona 500 musobaqasida o‘tishi kutilmoqda.

Blazer EV.R texnik jihatlari

Blazer EV.R NASCAR Next-Gen shassisiga asoslangan, biroq u an’anaviy V8 motor o‘rniga uchta olti fazali elektromotor bilan jihozlangan. Ushbu motorlar 15 000 aylanish/daqiqagacha chiqishi va to‘liq g‘ildirak tortish tizimi bilan harakatlanishi mumkin. Elektr tizimi 78 kVt soatli suyuqlik bilan sovutiladigan batareyadan quvvat oladi.

Blazer EV.R tashqi ko‘rinishi seriyali Blazer krossoverini eslatsa-da, katta aerodinamik elementlar, old bamper va yirik orqa qanot bilan jihozlangan. Bundan tashqari, ikki eshikli kuzov, yon oynalarning yo‘qligi va xavfsizlik karkasi bilan farqlanadi.

Hozircha Chevrolet ushbu avtomobilni amaliy foydalanishga chiqarish rejasi yo‘qligini, balki innovatsion tajriba maydonchasi sifatida ko‘rib chiqayotganini bildirdi.

Blazer EV SS Daytona 500’da peys-kar bo‘ladi

Daytona 500 doirasida Chevrolet Blazer EV SS – 615 ot kuchiga ega sport krossoveri ham taqdim etiladi. U 96 km/soat tezlikka atigi 3,4 soniyada chiqa oladi. Bu model Chevrolet tarixidagi eng tez SS hisoblanadi.

Ford ham o‘zining Mustang Mach-E elektr modelini taqdim etdi. U ham 1300 ot kuchiga ega va Ford kompaniyasi 2027-yilda “24 soat Le-Man” musobaqasida qatnashishini e’lon qilganida namoyish qilingan edi.