O‘zbekistonda transport vositalarining harakat tezligini qat’iy cheklovlar belgilangan bo‘lib, bu choralar yo‘l harakati xavfsizligini oshirishga qaratilgan. Bu haqida Upl.uz xabar berdi.
Ayniqsa, aholi yashash punktlarida va ijtimoiy ob’ektlar yaqinida tezlik chegaralari qat’iy nazorat qilinadi. Ushbu qoidalar qonun bilan mustahkamlangan va barcha haydovchilar uchun majburiy hisoblanadi.
O‘zbekiston Respublikasi Adliya vazirligi tomonidan tezlik cheklovlari bo‘yicha asosiy talablar eslatib o‘tildi. Shunga ko‘ra, aholi punktlarida transport vositalarining tezligi soatda 70 kilometrdan oshmasligi kerak.
Maktab va bog‘cha kabi ta’lim muassasalari atrofidagi yo‘llarda esa tezlik 300 metr masofagacha soatda 30 kilometrni tashkil etadi. Yashash joylari va ularning atrofidagi hududlarda, ya’ni uylar orasidagi yer maydonlarida tezlik soatda 20 kilometrdan oshmasligi lozim.
Shuningdek, Navoiy va Toshkent shaharlarida, viloyat va tuman markazlarida transport vositalarining harakat tezligi soatda 60 kilometrdan yuqori bo‘lmasligi talab etiladi. Bu qoidalar yo‘l harakati xavfsizligini ta’minlash va avariyalar sonini kamaytirishga xizmat qiladi.
Haydovchilar ushbu cheklovlarga qat’iy rioya qilishi muhimdir. Shuningdek, tezlikni nazorat qilish va qoidabuzarliklarni oldini olish uchun yo‘l patrul xizmati muntazam ravishda tekshiruvlar o‘tkazadi.
Ushbu qoidalarga amal qilish har bir haydovchining mas’uliyati hisoblanadi.
