Avto yangiliklari

Tesla o‘zining Cybertruck modelini tom qismidagi muammo sabab qaytarib olmoqda, deb speedme.ru yozmoqda. 2023-yil noyabrdan 2025-yil fevralgacha sotilgan 46 096 dona Cybertruck avtomobili servisga chaqirilmoqda. Sabab — yurish vaqtida tomdagi bezak paneli ajralib ketishi mumkin. Muammoni hal etish uchun kompaniya kuchliroq yelim va bolt hamda gayka orqali qo‘shimcha mahkamlashni taklif qilgan. Biroq, avtomobilini qayta olgan ba’zi egalar uni ko‘rib shokka tushishgan. Internetda tarqalgan fotosuratlarda qo‘pol svarka, to‘g‘ri joylashtirilmagan gaykalar va kuzov chizig‘iga mos kelmaydigan panellar aks etgan. Bu $80 000 turadigan premium elektromobil emas, balki ustaxonada “ko‘zbo‘yamachilik” bilan yasalgan mashinani eslatadi. Cybertruck allaqachon sifat va yig‘ilishdagi muammolar bilan tanilgan edi. Panel yoriqlari, nosozliklar va hatto $7500 miqdoridagi federal soliq imtiyozi ham modelni ommalashtirishga yordam bermаdi.

Xitoy elektromobillarni elektr tarmog‘iga ulash orqali yangi inqilobiy V2G (vehicle-to-grid) texnologiyasini joriy etmoqda, deb speedme.ru yozmoqda. Bu texnologiya yordamida elektromobillar nafaqat zaryad oladi, balki tarmoqqa ortiqcha energiyasini ham qaytaradi. Pilot loyihalar Pekin, Shanxay va Shenchjen kabi to‘qqizta shaharda yo‘lga qo‘yilgan. Tizim elektr iste’molining yuqori pallalarida yuklamani kamaytirishga va tarmoqning barqarorligini ta’minlashga xizmat qiladi. Loyiha davlat tomonidan qo‘llab-quvvatlanmoqda va Xitoyning Milliy taraqqiyot va islohotlar komissiyasi ishtirokida amalga oshirilmoqda. Elektromobil egalari tarmoqqa energiya qaytarib, kompensatsiya olishlari mumkin. Yil oxirigacha mamlakatda 30 ta shunday loyiha ishga tushiriladi, 2025 yilga kelib esa bu ko‘rsatkich 50 taga yetadi. V2G — Xitoyning elektromobillarni infratuzilmaga integratsiya qilish va barqaror energiya strategiyasidagi asosiy bosqichdir.

Volkswagen Nivus krossoverining arzonroq Sense versiyasi taqdim etildi, deb cenyavto.com yozmoqda. Bu modifikatsiya Braziliya bozoriga chiqarilgan bo‘lib, narxi taxminan 1,8 million rublga teng (so‘mda hisoblaganda taxminan 250 million so‘m). Mazkur versiya Yevropadagi Volkswagen T-Cross modeliga o‘xshash bo‘lsa-da, tashqi ko‘rinishida farqlar mavjud. Sense komplektatsiyasi quyidagilarni o‘z ichiga oladi: olti xavfsizlik yostig‘i, ABS va favqulodda tormoz tizimi, 8 dyuymli raqamli panel, 10,1 dyuymli sensorli ekran, LED orqa chiroqlar, parkovka kamerasi va bir nechta parktroik, shuningdek, 16 dyuymli disklar va qalpoqchalar. Krossover 1 litrli turbobenzinli dvigatel bilan jihozlangan bo‘lib, u benzin bilan 128 ot kuchigacha, etanolda esa 116 ot kuchigacha quvvat ishlab chiqaradi.

Autostrada.uz xabariga ko‘ra, O‘zbekistonda elektrozaryad stansiyalari operatorlari tomonidan zaryad to‘liq tugagach har bir daqiqa uchun to‘lov undirilishi noqonuniy hisoblanadi, agar operatorda maxsus litsenziya mavjud bo‘lmasa. Bu haqda Raqobatni rivojlantirish va iste’molchilar huquqlarini himoya qilish qo‘mitasi bayonot berdi. Amaldagi tartibga ko‘ra, zaryad tugaganidan keyingi 10–15 daqiqa davomida avtomobil bepul to‘xtab turishi mumkin. Shundan so‘ng esa 1 daqiqasi uchun 400–600 so‘m to‘lov olinadi. Ammo litsenziyaga ega bo‘lmagan operator bunday to‘lovni talab qila olmaydi. Vazirlar Mahkamasining 2013-yil 31-iyuldagi 213-sonli qaroriga ko‘ra, har qanday pullik avtoturargoh faoliyati, jumladan zaryad stansiyalari hududidagilari ham litsenziya asosida amalga oshirilishi shart. Qo‘mita operatorlar foydalanuvchilarga tariflar haqida ochiq axborot berishlari va barcha huquqiy hujjatlarni taqdim etishlari kerakligini eslatdi. Litsenziyasiz to‘lov — bu qonunni buzishdir. Aholi 1159 qisqa raqami orqali Qo‘mitaga murojaat qilib, bunday holatlar yuzasidan shikoyat qilishi mumkin.

O‘zbekistonda “Leapmotor” brendiga tegishli yengil avtomobillar importiga qo‘yilgan cheklov qayta ko‘rib chiqiladi. Bu haqda Texnik jihatdan tartibga solish sohasida nazorat inspeksiyasi matbuot xizmati ma’lum qildi. Inspeksiyaga ko‘ra, “Leapmotor” korxonasiga qo‘yilgan cheklov yuzasidan muzokaralar davom etmoqda. Yaqin kunlarda ushbu kompaniya mutaxassislari O‘zbekistonga tashrif buyurishi rejalashtirilgan. Ular ishtirokida mahsulot sinovi qayta o‘tkaziladi. O‘zbekistonda Xitoyning “Leapmotor” brendi ostidagi yengil avtomobillarni sertifikatlash uchun arizalar qabuli to‘xtatilgani xabar qilingandi. Bunga shu brendga tegishli S16 avtomobilida aniqlangan kamchilik sabab sifatida keltirilgan. Texnik jihatdan tartibga solish sohasida nazorat inspeksiyasining mazkur transport vositasida hosil bo‘ladigan elektromagnit shovqin darajasi ruxsat etilgan chegaradan 16 barobar yuqori ekanini ma’lum qilgan. Jamoatchilik vakillari bu harakatni mahalliy ishlab chiqaruvchilar uchun bozorni tozalashga urinish deb baholamoqda.

Cenyavto.com xabariga ko‘ra, Hyundai 2025-yil uchun mo‘ljallangan ikkinchi avlod Nexo modelini rasman taqdim etdi. Bu vodorod yoqilg‘isida ishlaydigan krossover bo‘lib, bir to‘ldirishda 700 kmgacha masofa bosib o‘ta oladi. Avtomobil konseptual Initium dizayniga asoslangan bo‘lib, deyarli o‘zgarmagan holda ommaviy ishlab chiqarishga o‘tkazilgan. Unda 201 ot kuchiga ega elektromotor va 147 ot kuchli vodorod yoqilg‘i elementi mavjud. 100 km/soat tezlikka 7,8 soniyada chiqadi. Bakni to‘ldirish esa atigi 5 daqiqa vaqt oladi, bu esa uni oddiy elektromobillardan ajratib turadi. Dizayni muhokamalarga sabab bo‘ldi: ayrimlar uni zamonaviy va futuristik deb baholamoqda, boshqalar esa Pontiac Aztek bilan taqqoslamoqda. To‘g‘ri chiziqlar, yirik bamperlar, yashirin eshik tutqichlari va LED chiroqlar g‘ayrioddiy bo‘lsa-da, o‘ziga xos uslub yaratgan. Salonida ikkita 12,3 dyuymli ekran, proeksion displey va oynalar o‘rniga kameralar mavjud. Shuningdek, 14 dinamikli Bang & Olufsen audio tizimi bor. Texnik jihatdan Nexo vodorod yoqilg‘i elementi va 2,64 kVt·soatli akkumulyatorli gibrid tizimga ega. Yangilangan bak hajmi 6,69 kg (avval 6,33 kg) bo‘lib, 700 km yurish imkonini beradi. Hyundai Nexo hozircha tor bozorlar uchun mo‘ljallangan, ammo Xitoy yoki AQSHda xaridorlar e’tiborini tortishi mumkin. Rossiyada esa infratuzilma yo‘qligi sababli yaqin yillarda kutilmayapti.

Speedme.ru xabariga ko‘ra, Lotus kompaniyasi 2025-yil uchun mo‘ljallangan yangilangan Eletre va Emeya elektromobillarini taqdim etdi. Modellarda “600” va “900” raqamlari mavjud bo‘lib, ular dvigatel quvvatini ifodalaydi. Eletre 600 modelida ikkita elektromotor mavjud bo‘lib, jami quvvati 612 ot kuchiga teng. Unda 112 kVt-soatli batareya o‘rnatilgan. Komplektatsiyalar orasida GT, GT SE, Sport SE va flagman versiyalar — 900 Sport hamda 900 Sport Carbon (918 ot kuch) mavjud. Emeya ham shu arxitekturaga asoslangan, biroq batareyasi 102 kVt-soat. Emeya 900 versiyasi 100 km/soat tezlikka atigi 2,78 soniyada chiqadi. Har ikki model ham buyurtma uchun ochilgan bo‘lib, yetkazib berish 2025-yil yozida boshlanadi. Boshlang‘ich narxi — 84 990 funt sterling (taxminan 1,34 milliard so‘m). Mazkur elektromobillar eng yaxshi sport elektr mashinasi unvoni uchun da’vogar bo‘lishi kutilmoqda.

Endilikda yuridik shaxs sifatida ro‘yxatdan o‘tgan taksi agregatorlariga “To‘xtash taqiqlangan” yo‘l belgisi amal qiladigan hududlarda, jumladan aeroport va vokzallarga tutash joylarda yo‘lovchilarni chiqarish yoki tushirish uchun qisqa muddatga to‘xtashga ruxsat beriladi, deb uz24.uz xabar berdi. Qarorga ko‘ra, aeroportlar, temir yo‘l vokzallari, avtovokzallar, qurilish materiallari bozorlari, dehqon va buyum bozorlari, hamda ustav kapitalida davlat ulushi 50 foizdan yuqori bo‘lgan savdo majmualarining pullik avtoturargohlariga agregatorlar yo‘lovchilarni chiqarish yoki tushirish uchun bepul kirishi mumkin. Bundan tashqari, agregatorlarga yo‘nalishli transport vositalari uchun ajratilgan maxsus yo‘laklardan foydalanishga ham ruxsat berilmoqda.

Geely kompaniyasi o‘zining mashhur Atlas krossoveri uchun restyling versiyasini taqdim etdi, deb auto.mail.ru xabar berdi. Geely Atlas — Xitoyda Boyue L nomi bilan tanilgan va dunyo bo‘ylab 60 dan ortiq mamlakatda 2 milliondan ortiq sotilgan. Yangi versiyada avtomobilning old qismi butunlay yangilangan: yangi panjara, vertikal davomchisiz tor faralar, T-shakldagi havo teshiklari bilan. Orqa qismda esa chiroq grafikasi va bamper dizayni qayta ko‘rib chiqilgan. Kompaniya alohida ta’kidlagan jihat — kapot qirrasidan o‘tuvchi 2,4 metrlik LED chiroq tasmasi. Uning yoritish maydoni 184×23 m. Orqa chiroqlardagi LED lentalar esa 2,9 metr uzunlikka ega. Yangi Atlasda sun’iy intellektga asoslangan to‘liq funksional boshqaruv tizimi bo‘ladi. Bu tizim avtomobilni qisman avtopilot rejimida boshqarish imkonini beradi. Texnik jihatdan krossoverga 2.0 litrli turbomotor (218 ot kuchi) va 7 pog‘onali robot uzatmalar qutisi o‘rnatiladi. Oldingi versiyada esa 1.5 litrli (181 ot kuchi) motor mavjud. Harakatlanish turi — old g‘ildirakdan tortish.

Toyota RAV4 o‘tgan yili 1 million 80 ming dona sotilib, dunyodagi eng ko‘p sotilgan krossoverlardan biri bo‘ldi. Ammo bu uni qayta sotishda eng likvid mashina deya olmaymiz, deb Daily-motor.ru xabar berdi. «iSeeCars» portali o‘tkazgan yangi tadqiqotga ko‘ra, RAV4 5 yillik foydalanishdan so‘ng eng yaxshi baholanadigan avtomobillar ro‘yxatiga kirmagan. Birinci o‘rinlarni Porsche 911 va Porsche 718 Cayman egalladi. Uchinchi o‘rin esa ko‘pchilik kutmagan Toyota modeli — Tacoma pikapiga nasib etdi. Tadqiqotga ko‘ra, Toyota Tacoma 5 yilda atigi 26% qiymatini yo‘qotadi. Taqqoslash uchun, bozor bo‘yicha o‘rtacha amortizatsiya — 45,6%. Toyota RAV4 esa yettinchi o‘rinni egallab, 30,9% qiymat yo‘qotadi. Uning oldidan Toyota Tundra (29,1%) joy olgan. Eng likvid 7 ta avtomobil (5 yillik amortizatsiya): Porsche 911 — 19,5% Porsche 718 Cayman — 21,8% Toyota Tacoma — 26% Chevrolet Corvette — 27,2% Honda Civic — 28% Toyota Tundra — 29,1% Toyota RAV4 — 30,9%

Chery kompaniyasi Yevropa bozoridagi ishtirokini kengaytirishda davom etmoqda, deb cenyavto.com xabar berdi. Uning yangi modeli — 2025-yilgi Omoda 9 krossoveri Buyuk Britaniya uchun tayyorlanmoqda. Bu avtomobil o‘z sinfida eng uzoq masofaga yuradigan modellaridan biri bo‘lishi kutilmoqda. Yangi Omoda 9 nafaqat narxi, balki texnik xususiyatlari bilan ham raqobatchilaridan ustun bo‘ladi. Chery ushbu model orqali Yevropadagi mavqeini mustahkamlash va xaridorlar sonini oshirishni maqsad qilgan. Modelning texnik tafsilotlari va narxi hali rasman ochiqlanmagan, ammo kompaniya Omoda 9’ni bozordagi kuchli raqobatchilarga jiddiy muammo tug‘diruvchi avtomobil sifatida ko‘rsatmoqda.

Yoz faslida shahardan chiqishni istagan haydovchilar ko‘plab tirbandliklarda soatlab to‘xtab qolishadi, deb naav.ru portali xabar berdi. Bunday sharoitlarda avtomobil dvigateli osonlik bilan qizib ketishi mumkin. DVС ta’miri bo‘yicha mutaxassis bunday holatda nima qilish kerakligini tushuntirdi. Motor qizishi muammosi asosan yoshi katta avtomobillarda uchraydi. Buning sabablari ko‘p: moyning yetishmasligi, antifrizning oqishi yoki porshen tizimidagi nosozliklar. Birinchi navbatda, motorni tezda sovitish kerak. Bunga erishish uchun pechkani maksimal issiqlikda yoqish tavsiya etiladi. Salon ichidagi noqulaylikni kamaytirish uchun derazalarni ochish mumkin. Bu holatda uzoq harakatlanish tavsiya etilmaydi — eng yaqin qulay joyda to‘xtab, muammoni aniqlab bartaraf etish kerak. Mutaxassisning ta’kidlashicha, motor qizishi natijasida silindr blokining kallagi egilishi mumkin. Bu esa antifrizning tizimga tushishiga va juda qimmat ta’mirlash ishlariga olib keladi. Bunday holatlarning oldini olish uchun radiatorni muntazam tozalab turish va sovitish tizimini mutaxassislarga ko‘rsatib borish tavsiya etiladi.

Xitoyda ba’zi avtomobil haydovchilari mashinaning pedallariga qaratuvchi videokameralarni o‘rnatishni boshladi, deb naav.ru portali xabar berdi. Bu usul asosan elektromobil egalari tomonidan qo‘llanilmoqda, ammo mutaxassislar fikricha, u boshqa davlatlarda, jumladan Rossiyada ham keng tarqalishi mumkin. Bu g‘oya Xitoyda Tesla avtopiloti bilan bog‘liq avariyalardan so‘ng paydo bo‘ldi. Agar avtomobil ishlab chiqaruvchi hodisa uchun haydovchini ayblamoqchi bo‘lsa, videoyozuv haydovchining pedal harakatlarini tasdiqlab, uning aybsizligini isbotlashi mumkin. Xitoyda bunday holatlar ancha ko‘paygan. Ilgari Tesla’ning tormoz tizimidagi muammolar sabab haydovchilar Ilon Maskka norozi bo‘lishgan. Masalan, Shanxay avtosalonida bir ayol Tesla avtomobili tomiga chiqib, baland ovozda tormozlar ishlamayotganini aytgan. Uning futbolkasida esa: «Tesla tormozlari nazoratdan chiqdi» degan yozuv bo‘lgan. Ayolning Model 3 avtomobilida tormozlar ishlamay qolgan va oila hayoti xavf ostida qolgan. Shuningdek, AQShda ham bir necha yil avval Toyota avtomobillarida gaz pedali tiqilib qolganiga oid janjal bo‘lib o‘tgan, natijada o‘nlab odamlar jabr ko‘rgan edi. Shunga qaramay, Tesla elektromobil savdolarida yetakchilikni saqlab turibdi. Xitoy haydovchilari bu mashinalardan voz kechmayapti, ammo endi xavfsizlik uchun pedalga qaratuvchi kameralardan foydalanmoqda.

Honda o‘zining mashhur NSX sportkarini qayta ishlab chiqarishini ma’lum qildi, deb Daily-motor.ru xabar berdi. Kompaniya ushbu modelni 1990–2005 va 2016–2022 yillar oralig‘ida ishlab chiqargan. Yangi avlod NSX 2027 yilda ilk bor jahon sahnasiga chiqishi kutilmoqda. Sportkar tashqi ko‘rinishi va texnik jihatdan oldingi avlodlardan tubdan farq qiladi. U zamonaviy kupe shaklida bo‘ladi, keng g‘ildirak arkalari, katta disklar uchun joy, noodatiy LED chiroqlar va eshiklarga yashiringan tutqichlarga ega bo‘ladi. Avtomobil 100% elektromobil bo‘lib, uning elektromotorlari 1000 ot kuchidan ortiq quvvat ishlab chiqarishi kutilmoqda. Honda muhandislari ishlab chiqayotgan yangi turdagi qotishgan batareyalar tufayli bitta quvvat bilan 700 km masofani bosib o‘tish mumkin bo‘ladi. Shuningdek, unda eng yangi to‘liq tortuvchi tizim ham joriy etilishi kutilyapti, lekin bu haqdagi batafsil ma’lumotlar hozircha oshkor qilinmagan. Asosiy raqib sifatida Lexus LFR modeli ko‘rilmoqda — unga 900 ot kuchli gibrid tizim o‘rnatilishi kutilmoqda. Honda esa NSX’ni undan arzonroq narxda taklif qilmoqchi, aniq farq hozircha ma’lum emas. LFR’ning taxminiy narxi 38 million iyena (taxminan 4,2 milliard so‘m) bo‘lishi mumkin.

Yangi Deepal S09 krossoveri aprel oyida chiqishi rejalashtirilgan, deb Speedme.ru sayti xabar berdi. Uning boshlang‘ich narxi 300 ming yuandan, ya’ni taxminan 420 million so‘mdan boshlanadi. Eng qimmat modeli esa 350 ming yuan (taxminan 490 million so‘m) atrofida bo‘ladi. Deepal S09 — yangi EPA1 platformasida yaratilgan va ikkinchi avloddagi zaxira yurish masofasini oshirish tizimi bilan jihozlangan. Uning o‘lchamlari: 5205x1996x1800 mm, g‘ildirak bazasi esa 3105 mm. Salon zamonaviy texnologiyalar bilan boyitilgan: ikkita 15,6 dyuymli ekran, 43 dyuymli AR-HUD, massaj funksiyasiga ega shamollatiladigan o‘rindiqlar, chiquvchi muzlatgich va orqa qatordagilar uchun 21,4 dyuymli ekran. Shuningdek, "bolalar rejimi" va ovozli yordamchi ham mavjud. Krossover gibrid dvigatel bilan jihozlangan: 1.5 litrli turbobenzinli motor va bir yoki ikki elektromotor, umumiy quvvati 362 kVt (492 ot kuchidan ortiq). Deepal S09 — brendning eng texnologik va qimmat SUV modeli bo‘lib, u Xitoyning yuqori segmentdagi elektromobillariga jiddiy raqobatchi bo‘ladi.

BMW 1 aprel kuni o‘z ijtimoiy tarmoqlardagi obunachilarini hazil bilan aldadi va M2 Dakar nomli yo‘q krossover haqida tasvirlar e’lon qildi, deb Carscoops xabar berdi. M2 Dakar — aslida mavjud bo‘lmagan avtomobil bo‘lib, BMW uni rallilar uchun mo‘ljallangan offroad kupe ko‘rinishida taqdim etdi. Unda keng qanotlar, ventilyatsion teshiklar, maxsus bamperlar va tag qismini himoyalovchi plastinalar tasvirlangan edi. Kupe tom qismida bagaj joyi, ehtiyot qismlar, zaxira g‘ildirak va yoqilg‘i kanistrasi aks etgan. Dvigatel esa o‘zgarmagan: hozirgi M2’dagi kabi 3 litrli, 480 ot kuchiga (550 Nm) ega “oltitalik” qo‘llangan. BMW 2 seriyasi restylingi o‘tgan yil yozda taqdim etilgan. Yangi versiya “avtomat”da 0-100 km/soatga 4 soniyada, “mexanika”da esa 4,2 soniyada yetadi. 200 km/soatga tezlashish esa 0,6 soniyaga tezlashgan (12,9 va 13,7 soniya). Maksimal tezlik — 250 km/soat (285 km/soat pullik opsiya bilan). BMW 2 seriyasi Meksikadagi zavodda ishlab chiqariladi.

Xiaomi kompaniyasi SU7 avtomobili uchun mo‘ljallangan mobil ilovasi orqali "Xavfsizlik bahosi" (Safety Score) nomli yangi funksiyani joriy qildi, deb pepelac.news xabar berdi. Bu tizim real vaqtda haydovchining yo‘ldagi xatti-harakatini tahlil qilib, 0 dan 100 gacha baho qo‘yadi. Baho haydash uslubi, xavf haqidagi ogohlantirishlarga munosabat va xavfsizlik kamaridan foydalanish kabi omillar asosida beriladi. Funksiya hozircha ichki sinovda. Uning maqsadi — avariyalar xavfini kamaytirish va foydalanuvchilarda xavfsiz haydash odatlarini shakllantirish.

Toyota AQSh bozori uchun 2026-yilgi Crown sedanini taqdim etdi, deb SpeedMe.ru sayti xabar berdi. Yangilanishlar faqat rasmiy tusda bo‘lib, tashqi ko‘rinish va texnik jihatlar amaldagi modelga aynan mos. Barcha versiyalar faqat gibrid motor va to‘liq uzatma bilan jihozlangan. Bazaviy gibrid 2,5 litrli benzin dvigateli va ikkita elektromotorga ega. Flagman Hybrid Max versiyasi esa 2,4 litrli turbomotor va orqa elektroprivodga ega bo‘lib, 340 ot kuchi (400 Nm) quvvat ishlab chiqaradi. Crown 2026 to‘rtta komplektatsiyada taqdim etiladi: XLE, Limited, Nightshade va Platinum. Eng yuqori Platinum versiyasi adaptiv AVS podveskasi, premium salon va kengaytirilgan funksiyalarga ega. Salonda ikkita 12,3 dyuymli displey, Toyota Safety Sense 3.0 xavfsizlik tizimi va havo orqali yangilanuvchi multimedia mavjud. Crown 2026 narxlari hali e’lon qilinmagan, biroq Yaponiyada ishlab chiqarilganligi bois, bojlar tufayli narx oshishi mumkin.

O‘zbekistonda «Leapmotor» brendiga tegishli yengil avtomobillarning sertifikatlash jarayoni vaqtincha to‘xtatildi. Bu haqda Texnik jihatdan tartibga solish agentligi tomonidan berilgan rasmiy ma’lumotda aytib o‘tilgan. ? Nega «Leapmotor» avtomobillarining importi cheklandi? Agentlik tomonidan berilgan ma’lumotlarga ko‘ra, «Leapmotor S16» modelida texnik nomuvofiqlik aniqlangan. «EURO PROF TEST MCHJ» tomonidan o‘tkazilgan tekshiruvlar natijasida ushbu avtomobilning reglament talablariga javob bermasligi ma’lum bo‘ldi. Xususan, reglamentning 3-ilova 44-bandida belgilangan talabga mos emasligi qayd etilgan. Bu esa avtomobilning elektronika tizimidagi muammolar va ayrim hollarda tegishli tizimlarning ishdan chiqishiga olib kelishi mumkin. ? Iste’molchilar huquqlarini himoya qilish choralari Aniqlangan kamchiliklar sababli «Leapmotor» kompaniyasi avtomobillarini sertifikatlash yuzasidan arizalarni qabul qilish vaqtincha to‘xtatilgan. Mazkur cheklov, ishlab chiqaruvchi tomonidan muammolar to‘liq bartaraf etilgunga qadar amal qiladi. ? Import avtomobillar uchun laboratoriyada navbatlar uzaymoqda Ma’lumotlarga ko‘ra, bugungi kunda O‘zbekistonga import qilinayotgan avtomobillarni sertifikatlash jarayoniga talab juda yuqori. Avtomobillarni tekshiruvdan o‘tkazadigan Piskent tumanidagi laboratoriya uchun navbatlar ortib bormoqda. Bojxona sohasidagi blogerlar ma’lumotlariga ko‘ra, elektron navbat olish tizimi tungi 00:00 da ochiladi va bir daqiqadan kam vaqt ichida joylar to‘lib qolmoqda. ? «Leapmotor» avtomobillari bozorga qaytishini kutish mumkinmi? Hozircha «Leapmotor» avtomobillari O‘zbekistonda qachon qayta sertifikatlanishi va sotuvga chiqarilishi noma’lum. Bunda asosiy omil kompaniyaning aniqlangan muammolarni bartaraf etish tezligiga bog‘liq bo‘ladi. Ushbu holat O‘zbekistonda import avtomobillar bozoridagi raqobat va xavfsizlik standartlariga rioya etilishi borasida muhim ahamiyat kasb etadi. Sizning fikringiz qanday? «Leapmotor» avtomobillarining importi cheklangani bozorga qanday ta’sir qiladi?

Xiaomi SU7 elektromobili 29-mart kuni yo‘l ta’miri sababli qarama-qarshi yo‘lga chiqib ketgan va 116 km/soat tezlikda beton to‘siqqa urilgan, deb cenyavto.com xabar berdi. Ma’lumotlarga ko‘ra, mashinada avtomobil egasi emas, boshqa haydovchi bo‘lgan. Dastlab autpilot ishlagan, lekin so‘ng boshqaruv odamga o‘tgan. Shunga qaramay, to‘qnashuv oldini olish imkoni bo‘lmagan va mashina yonib ketgan. Avtomatik tizim to‘siqni sezib, tormoz bergan va haydovchini ogohlantirgan: “rulni ushla!”. Haydovchi rulni olgan, lekin 97 km/soat tezlikda urilgan. Hozirda rasmiy surishtiruv ketmoqda, Xiaomi esa jabrlanganlarning oilasiga yordam berishini aytdi.