Toshkent viloyati IIBB Yo‘l-harakati xavfsizligi boshqarmasi Yangiyo‘l tumanida sodir bo‘lgan yo‘l-transport hodisasi yuzasidan ma’lumot berdi.
Qayd etilishicha, 14 mart kuni soat tahminan 09:00 larda Yangiyo‘l tumani Amir Temur ko‘chasi 21-uy qarshisida haydovchi F.J. Gentra rusumli transport vositasini boshqarib ketayotgan vaqtida yo‘l chetidagi beton ustunga borib urilgan.
Haydovchining so‘zlariga ko‘ra, u sog‘lig‘i yomonlashgani tufayli rul boqaruvini yo‘qotib, YTH sodir etgan.
Ushbu yo‘l-transport hodisasi natijasida hech kimga ziyon yetmagan. Transport vositasi va elektr energiyasi simi o‘tgan ustun shikastlangan.
Foto: Ijtimoiy tarmoqlar
Holat yuzasidan Yangiyo‘l tumani IIB YHXB tomonidan tegishli hujjatlar rasmiylashtirilib, surishtiruv ishlari olib borilmoqda.
