Favqulodda vaziyatlar vazirligining xabar berishicha, haydovchi A373 avtomobil yo‘lining “Toshkent—Vodiy” yo‘nalishida harakatlanib kelayotgan bo‘lgan. U boshqaruvni yo‘qotib yo‘l chetidagi to‘siqqa urilgan va uni kesib o‘tib xandaqqa tushib ketgan.
Bu haqida “Qamchiq” maxsus-qidiruv, yong‘in-qutqaruv boshqarmasiga xabar kelib tushganidan so‘ng qutqaruv otryadi zudlik bilan voqea joyiga borgan va haydovchini qutqarib olgan. So‘ng maxsus texnikalar yordamida avtomobil xandaqdan olib chiqilgan.
Ta’kidlanishicha, avtomobilda haydovchidan boshqa hech bo‘lmagan va u jarohat olmagan.
