O‘zbekistonda texnik qurilma va transport vositalaridagi xatoliklarni inobatga olgan holda, umumiy aniqlangan tezlikdan amaldagi 5 km/soat ayirib tashlash amaliyotini 10 km/soatga ko‘tarish taklif etilmoqda. Bu boradagi tegishli ko‘rsatmani bosh vazir o‘rinbosari Ochilboy Ramatov o‘tgan yilning 24 iyulida imzolagan.
Hujjatni Qonunchilik palatasi sobiq deputati Rasul Kusherbayev e’lon qildi. Unga ko‘ra, bu boradagi normativ hujjat loyihasi allaqachon tayyorlangan. Agar tegishli qaror qabul qilingudek bo‘lsa, shahar hududlaridagi haydovchilar jarimaga tortilish xavfisiz soatiga 70 kilometr tezlikda (60+10) harakatlanishi mumkin bo‘ladi. 2023 yil 5 apreldan boshlab O‘zbekistonning barcha shaharlarida transport vositalarining ruxsat etilgan maksimal tezligi soatiga 70 kilometrdan soatiga 60 kilometrga tushirilgan edi.
Ko‘rsatmada, shuningdek, bir yo‘nalishdagi tasmalarni ajratib turuvchi uzluksiz 1.1 yo‘l yotiq chizig‘i bilan bog‘liq yo‘l harakati qoidabuzarliklarini aniqlash avtomobil yo‘llarini SHNQ va GOST talablariga mos kelgan hududlarda qayd etishga ruxsat berish amaliyotini joriy etish belgilangan.
Bundan tashqari, jarima qaroriga, qoidabuzarliklarni qayd etuvchi texnik vositalar to‘g‘risidagi kengaytirilgan ma’lumotlar (turi, ishlab chiqarilgan zavod raqami va qiyoshlash sertifikati)ni ko‘rsatilishini majburiy etib belgilash taklif qilingan.
Ichki ishlar vazirligining «Xavfsiz shahar» markazi tadbirkorlik subyektlari tomonidan avtomobil yo‘llarida yo‘l harakati qoidalari buzilishini maxsus avtomatlashtirilgan foto va video qayd etish tizimini o‘rnatilishi hamda ekspluatatsiya qilinishini nazorat qiluvchi vakolatli organ etib belgilanadi. 2025 yil 1 mayga qadar IIV foto va video qayd etish axborot tizimlari (server qurilmalari, foto va video qayd etish kameralari)ni joriy etish, ishga tushirish va foydalanish bo‘yicha yagona davlat standartini ishlab chiqishi kerak. «Xavfsiz shahar» markazi, shuningdek, muntazam ravishda barcha tadbirkorlik subyektlari tomonidan o‘rnatilgan foto va video qayd etish qurilmalarini qaytadan o‘rganib chiqib, belgilangan tartibda test sinovidan o‘tkazadi.
[lang=ru,en] [/lang]
O‘xshash yangiliklar
Yevropa Ittifoqi 150 milliard yevroli SAFE jamg‘armasiga yo‘l ochdi
Yevropa Ittifoqi Kengashi 27 may seshanba kuni qabul qilgan bayonotda Yevropa Ittifoqi tomonidan 150 milliard yevroga teng Security Action for Europe (SAFE) mudofaa jamg‘armasi yaratilishi
“Manchester Siti” klubi Abduqodir Husanov haqida hali hech qayerda chop etilmagan maqola e’lon qildi
“Manchester Siti” klubi o‘z ijtimoiy sahifasida, jamoa muxlislarining qalbini tezda zabt etgan yosh futbolchi Abduqodir Husanov haqida ilgari hech qayerda chop etilmagan ma’lumotlar, oilaviy
Rossiya Ukraina janubini nega bu qadar tez ishg‘ol qilgandi?
2022 yil 24 fevral kuni ertalab soat 4 larda Rossiya armiyasi Ukraina hududiga hujum boshlagandi. Yurish bir vaqtning o‘zida bir necha yo‘nalishda: janub, sharq va shimoldan olib boriladi. Biroq,
Yangi O‘zbekiston bog‘ida Navro‘z bayrami tantanasi qanday o‘tdi?
Toshkent shahridagi “Yangi O‘zbekiston” bog‘ida 21 mart kuni Navro‘z tantanasi bo‘lib o‘tdi. O‘zbekiston Respublikasi prezidenti Shavkat Mirziyoyev nutq so‘zlab, xalqimizni bayram bilan muborakbod
Murodjon Ahmadaliyev Meksikada raqibini ringda "yakson" qilib tashladi! (video)
Meksikaning Gvadalaxara shahrida professional boks bo‘yicha ajoyib va shiddatli jang kechdi. O‘zbekiston sharafini himoya qilayotgan hamyurtimiz, jahonga mashhur professional bokschi Murodjon
