“Kalmar o‘yini” haqida deyarli hamma eshitgan — bu Netflix'dagi eng mashhur seriallardan biri. Muxlislar uni jon-dildan tomosha qilishdi, turli nazariyalar o‘ylab topishdi, kadrlarni pikselma-piksel tahlil qilishdi. Biroq hatto eng mashhur shou ham kinoxatolardan xoli emas.
O‘yinchilar raqamlari chalkashib ketgan
Birinchi o‘yinda 456 nafar ishtirokchi musobaqada qatnashadi va har biriga alohida raqam beriladi. Biroq muammo shundaki, ayrim sahnalarda qahramonlarning raqamlari bir xil bo‘lsa, boshqalarida esa o‘zgarib qoladi. Eng yaqqol misol — 061 raqamli o‘yinchi. Dastlab u ayol edi, ammo chiqib ketganlar ro‘yxati ko‘rsatilganda, uning o‘rnida erkak paydo bo‘ladi.
120 yoshdan oshgan ishtirokchi
Shisha zavodida ishlagan va toblangan shishani ajrata oladigan 017-raqamli o‘yinchini eslaysizmi? Hujjatlarga ko‘ra, u 1897 yilda tug‘ilgan. Agar bu ma’lumotlarga ishonsak, u ishtirok etgan paytda 124 yoshda bo‘lgan ekan. Albatta, ssenariy mualliflari shunchaki xatoga yo‘l qo‘yishgan va keyinchalik Netflix tug‘ilgan sanani 1987 yil deb to‘g‘rilagan.
Soyabon shaklining o‘zgaruvchanligi
Shakarli shirinlik epizodida ishtirokchilar to‘rtta shakldan birini tanlaydi: doira, uchburchak, yulduz yoki soyabon. Biroq sinchiklab qaralsa, ba’zi kadrlarda devordagi soyabonning shakli o‘zgarib, gumbazi yanada egilganligini ko‘rish mumkin.
Ki-xun bo‘sh qoshiqni “yeyayotgandek” ko‘rsatadi
Uchinchi qismda Ki Xun ovqatining sovib qolganidan noliydi. Ammo bo‘sh qoshiqni og‘ziga olib boradi, o‘zini ovqatlanayotgandek ko‘rsatadi. Ehtimol, aktyor dublni hisobga olmagan, montajchilar esa bu kadrni yakuniy ko‘rinishda qoldirishgan.
Ki Xunning sirli telefoni
Finalda Ki Xun Samsung Galaxy S7 telefoni orqali qizi bilan gaplashadi. Biroq aeroportda, muhim qaror qabul qilayotgan paytda, qo‘lida Samsung S3 ko‘rsatiladi.
Politsiyachining telefoni bir hafta quvvatini yo‘qotmaydi
O‘yinlarni tekshirayotgan politsiyachi Xvan Chjun Xo doimo bir xil telefondan foydalanadi. U rasmga oladi, video yozadi, xabarlar yuboradi, ammo... bironta marta ham quvvatlamaydi. Batareya qanchalik kuchli bo‘lmasin, bunday holat bo‘lishi mumkin emas.
Tashrifnomadagi haqiqiy telefon raqami
Yollovchi tarqatgan kartochkada chindan ham haqiqiy telefon raqami yozilgan. Serial efirga chiqqach, raqam egasi minglab qo‘ng‘iroqlar va xabarlar qabul qila boshlaydi. Netflix keyingi ko‘rsatuvlarda bu raqamni shoshilinch ravishda o‘zgartirishga majbur bo‘ladi.
Kan Se Byokning shimoliy koreyscha talaffuzi
Agar koreys tilini bilganingizda, Kan Se Byokning janubiy koreyscha talaffuz bilan so‘zlashayotganini sezgan bo‘lardingiz. Biroq u ukasi bilan gaplashganda Shimoliy Koreyadagi kabi so‘zlashadi. Bu nozik farq bejiz emas: qiz kamsitishdan qochish uchun o‘z kelib chiqishini yashirishga harakat qiladi.
