Surxondaryo viloyati hokimligi axborot xizmatining xabariga ko‘ra, O‘zbekiston Qurban hayiti munosabati bilan Afg‘onistonga 183 tonna oziq-ovqat mahsulotlarini gumanitar yordam sifatida yubordi, deb xabar berdi NOVA24.
Yuborilgan mahsulotlar tarkibiga un, guruch, shakar, makaron va qandolat mahsulotlari, yog‘, tez tayyorlanadigan ovqatlar, qizil loviya va mash kabi mahsulotlar kiritilgan. Gumanitar yuk Hayraton shahridagi "Astras" kompaniyasi hududida topshirildi.
Shuningdek, Afg‘oniston tomonidan Samarqandda qurilayotgan Imom Buxoriy majmuasi uchun O‘zbekistonga 16 ta yuk mashinasida oq marmar yuborilgan. Bu tashabbus Termizda bo‘lib o‘tgan uchrashuvda maxsus vakil Ismatilla Ergashov, Surxondaryo viloyati hokimi Ulug‘bek Qosimov, Afg‘oniston Bosh vaziri devoni rahbari Mullo Abdulla Vose va Balx viloyati rahbari Muhammad Yusuf Vafo o‘rtasida kelishilgan.
