Yanvar oyida qancha o‘zbekistonlik yangi pensiya oldi?
O‘zbekiston Pensiya jamg‘armasi 2025-yil yanvar oyida nechta fuqaroga yangi pensiya tayinlangani haqida ma’lumot berdi.
Rasmiy ma’lumotlarga ko‘ra, 1-fevral holatiga ko‘ra, jami 26 365 nafar fuqaroga yangi pensiya tayinlangan.
Shundan:
Yoshga doir pensiya – 19 998 kishi;
Nogironlik bo‘yicha pensiya – 4 558 kishi;
Boquvchisini yo‘qotganlar uchun pensiya – 1 809 ta oila.
Shuningdek, 1-martdan boshlab O‘zbekistonda pensiya tayinlash tartibi o‘zgaradi. Endilikda pensiya yoshiga yetgan fuqarolarga hujjatlar topshirish talab etilmasdan, avtomatik ravishda pensiya tayinlanadi.
Bundan tashqari, fuqarolar o‘z xohishiga ko‘ra pensiya olishni kechiktirish yoki tayinlangan pensiya miqdoridan norozi bo‘lsa, uni avtomatik tayinlash jarayonini to‘xtatish huquqiga ega bo‘ladi.
