Hujumchi Ugo Ekitike "Ayntraxt" klubidan "Liverpul"ga o‘tishga yaqin turibdi. Bu haqida Euro-football.ru xabar berdi.
Mashhur jurnalist Patrik Bergerning ijtimoiy tarmoqlardagi xabariga ko‘ra, ingliz klubi fransuz futbolchisiga soliqlar to‘lanishidan oldin yiliga taxminan 15-16 million yevro maosh to‘lashi kutilmoqda. Ekitike "Liverpul" uchun seshanba kuni tibbiy ko‘rikdan o‘tadi.
Shu jarayondan so‘ng Ugo bilan "Liverpul" o‘rtasida oltita mavsumga mo‘ljallangan shartnoma imzolanadi, ya’ni 2031 yilning o‘rtalarigacha. Oldinroq matbuotda "Ayntraxt" va "Liverpul" 23 yoshli Ugo Ekitike transferi uchun 95 million yevro miqdorida kelishuvga erishgani haqida xabarlar tarqalgan edi.
Ushbu summa bonus to‘lovlarini ham o‘z ichiga oladi. Shunday qilib, futbolchining yangi jamoasiga o‘tishi yaqin orada rasmiylashtirilishi kutilmoqda.
