Moskvadagi Lokomotiv jamoasining yangi a’zosi va Rossiya terma jamoasi hujumchisi Nikolay Komlichenko joriy mavsumga oid shaxsiy va klub rejalari haqida so‘zlab berdi. Bu haqida Euro-football.ru xabar berdi.
Uning asosiy maqsadi chempionlikni qo‘lga kiritish va sovrindor o‘rinlardan birini egallashdir. Shuningdek, Komlichenko o‘zining shaxsiy maqsadi sifatida kamida o‘nta gol urishni belgilagan.
Avval Rostov, Moskva Dinamo va boshqa bir qator jamoalarda o‘ynagan hujumchi bir oy oldin Lokomotivga o‘tib, uch yillik shartnoma imzoladi. Uning transfer summasi taxminan 2,8 million yevroga teng.
O‘tgan mavsumda 30 yoshli futbolchi barcha klub turnirlarida jami 37 o‘yinda maydonga tushib, 9 gol urgan va 5 golga assistentlik qilgan. Komlichenko jamoasining muvaffaqiyati uchun bor kuchini sarflashga tayyorligini ta’kidladi.
U mavsum davomida o‘zining eng yaxshi o‘yinini ko‘rsatib, muxlislarning ishonchini oqlashni maqsad qilgan.
👍 0❤️ 0😂 0😢 0😡 0
