Madridning «Real» klubi Vinisius Zhunior bilan shartnomani uzaytirish bo‘yicha muzokaralar olib bormoqda. Bu haqida Euro-football.ru xabar berdi.
Biroq klub ichki maosh tizimini buzmaslikka harakat qilmoqda. Hozirda 25 yoshli braziliyalik hujumchi yiliga o‘rtacha 15 million yevro sof daromad oladi.
Uning amaldagi shartnomasi 2027 yilga qadar mo‘ljallangan. Har mavsum uning maoshi oshib boradi va besh yillik davrda Vinisius jami taxminan 150 million yevro ishlab topadi.
The Best mukofotini qo‘lga kiritgach, uning yillik daromadi yana ikki million yevroga ko‘tarildi. Manbalarning aytishicha, Madrid rahbariyati Vinisius maoshini yiliga 15 million yevrodan oshirib yuborishdan ehtiyotlanmoqda, chunki bu Kilian Mbappe va Jud Bellingemning shartnomalarini qayta ko‘rib chiqishni talab qilishi mumkin.
Ular o‘z maoshlarining tengligini saqlab qolishni xohlashlari ehtimoldan holi emas. Vinisius atrofidagilar Mbappening «Real»ga kelishida olgan imtiyozli bonusini ham maosh tarkibiy qismi deb hisoblaydi va daromadlarni solishtirishda hisobga olish kerak deb o‘ylaydi.
Shu bilan birga, ommaviy axborot vositalarining xabar berishicha, Vinisius Saudiya Arabistoniga ko‘chib o‘tish variantini ko‘rib chiqmagan va faoliyatini aynan «Real»da davom ettirish niyatida. U klubdagi yutuqlari darajasiga mos keladigan shart-sharoitlarni kutmoqda.
