Madridning “Real” futbol klubining qanot hujumchisi Rodrigoning doimiy maydonga tushmasligiga qaramay, klubda qolishi mumkinligi aytilmoqda. Bu haqida Euro-football.ru xabar berdi.
24 yoshli futbolchiga uzoq vaqt Londondagi “Arsenal” klubi qiziqish bildirgani ma’lum bo‘lsa-da, uning transferi amalga oshmadi. Jurnalist Xoaquim Pyeraning xabariga ko‘ra, Rodriyo rasmiy agentga ega emasligi sababli hech qayerga o‘tmasligi ehtimoli yuqori.
Uning ishlarini ota-onasi yuritadi, ammo ota futbolchining ishlarini boshqarishda yetarlicha tajribaga ega emas. Transfer jarayonida vositachilar ham yordam bermoqda, ular “Real” yulduzini Angliya Premer Ligasi klublaridan biriga joylashtirishga harakat qilmoqda.
Shu bilan birga, Madrid klubi Rodrigoga 100 million yevrodan ortiq summani talab qilmoqda. Hozircha bunday miqdorni to‘lashga tayyor bo‘lgan klub topilmadi.
Bu holat futbolchining transferi masalasini murakkablashtirmoqda va uning “Real”da qolishi ehtimolini oshirmoqda. Klub va futbolchi o‘rtasidagi kelishuvlar kelajakda qanday rivojlanishi hozircha aniq emas.
