Londonning Arsenal klubi 21 yoshli markaziy himoyachi Kristian Moskera bilan shartnoma imzolaganini e’lon qildi. Bu haqida Euro-football.ru xabar berdi.
Ispaniyalik futbolchi Valensiya klubidan "kanonirlar" safiga ko‘chib o‘tgan bo‘lib, u yerda asosiy jamoada muntazam o‘yin ko‘rsatgan. Mashhur jurnalist Fabrizio Romano ma’lumotlariga ko‘ra, transfer summasi 15 million yevroni tashkil etgan va qo‘shimcha bonuslar ham nazarda tutilgan.
Futbolchi bilan shartnoma allaqachon imzolangan, biroq klub kelishuv tafsilotlarini oshkor qilmayapti. Moskera Valensiyaning asosiy jamoasida 90 ta o‘yinda maydonga tushib, bitta gol urishga muvaffaq bo‘lgan.
Transfermarkt portali uning bozor qiymatini 30 million yevro deb baholamoqda. Bu transfer Arsenal himoyasini mustahkamlashga qaratilgan muhim qadam hisoblanadi.
Klub rahbariyati va murabbiylar jamoaga yangi futbolchining qo‘shilishi bilan yanada kuchli o‘yin ko‘rsatishiga umid qilmoqda.
👍 0❤️ 0😂 0😢 0😡 0
