Fulhem klubi Chelsi jamoasining qanot hujumchisi Rahim Sterlingga qiziqish bildirmoqda. Bu haqida Euro-football.ru xabar berdi.
Jurnalist Ben Jeykobning xabar berishicha, klub yozgi transfer oynasida 30 yoshli ingliz futbolchisini jamoaga qo‘shib olish variantini ko‘rib chiqmoqda. Chelsi klubi Sterlingni doimiy asosda sotishga tayyor, biroq bitimning asosiy sharti futbolchining o‘z maoshidan voz kechishga tayyorligi bo‘ladi.
Hozirgi vaqtda futbolchining yuqori maoshi transfer jarayonida asosiy to‘siq hisoblanadi. Sterlingga Fulhemdan tashqari Italiya klubi Napoli ham qiziqish bildirgan, ammo bu borada aniq harakatlar kuzatilmayapti.
O‘tgan mavsum Sterling ijarada Arsenal jamoasida o‘ynagan va Angliya Premer-ligasining 17 o‘yinida maydonga tushib, ikki golga uzatma bergan. Hozirda futbolchining kelajagi va yangi jamoaga o‘tishi bo‘yicha muzokaralar davom etmoqda.
👍 0❤️ 0😂 0😢 0😡 0
