Italiya klubi «Milan» yarim himoyachisi Yusuf Fofana Luka Modrichning jamoaga o‘tishi haqida fikr bildirdi. Bu haqida Euro-football.ru xabar berdi.
U o‘z so‘zlarida yangi futbolchi bilan mashg‘ulotlarni intiqlik bilan kutayotganini ta’kidladi. Fofana aytishicha, Modrichning o‘yini va maydon tashqarisidagi suhbatlari orqali ko‘p narsalarni o‘rganish mumkin.
Uning fikricha, Luka Modrich «Milan» jamoasiga katta foyda keltiradi. Oldinroq Modrich 13 yil davomida Madridning «Real» klubida o‘ynagan.
U bu jamoa tarkibida jami 597 ta o‘yin o'tkazib, 43 ta gol urgan va 95 ta golli pas bergan. 39 yoshli xorvat futbolchisi oldin jahon chempionatida ikkinchi o‘rin, shuningdek, «Oltin to‘p» sovrinini qo‘lga kiritgan.
Mazkur yozda u erkin agent sifatida «Milan»ga qo‘shildi. Uning tajribasi va mahorati jamoa uchun katta ahamiyatga ega bo‘lishi kutilmoqda.
👍 0❤️ 0😂 0😢 0😡 0
