Xabi Alonso jamoasida uch nafar markaziy himoyachidan tashkil topgan o‘yinni joriy etmoqchi. Bu haqida Euro-football.ru xabar berdi.
Shu bilan birga, «Real» bosh murabbiyi Raul Asensioning o‘yini unga ma’qul kelmadi. Ok Diario nashrining xabar berishicha, «qirollar» akademiyasi yetuklari orasidan chiqqan Asensio Jahon klublari chempionatidagi o‘yinida o‘zini yaxshi tomondan ko‘rsata olmadi.
Shuning uchun u yangi mavsum uchun asosiy tarkibda o‘yinchi sifatida ko‘zda tutilmayapti. Umuman olganda, Raul Asensio yaqinda ikkinchi darajali o‘ringa tushishi kutilmoqda.
Bundan tashqari, «Real» joriy yozda himoya chizig‘iga yangi futbolchi, Ibrahima Konateni olib kelishi mumkin. Bu esa Asensioning jamoadagi mavqeyini yanada qiyinlashtirishi ehtimoldan holi emas.
22 yoshli Raul Asensio hozirgacha «Real»ning birinchi jamoasi safida 46 ta o‘yinda maydonga tushdi va ularda ikki golga uzatma berdi. Uning jamoadagi o‘rni va kelajagi murabbiyning yangi rejalariga bog‘liq bo‘lmoqda.
