PSJ klubi darvozaboni Janluiji Donnarumma yaqinda sotilishi mumkin. Bu haqida Euro-football.ru xabar berdi.
Italiyalik futbolchining Parij jamoasi bilan tuzgan shartnomasi kelasi yil yozda yakuniga yetadi. Tomonlar yangi kelishuv borasida muzokara olib bordi, biroq bu urinishlar natija bermadi.
Shuning uchun, PSJ rahbariyati 26 yoshli darvozabonni sotishga tayyor ekani ma’lum qilindi. Uning o‘rniga “Lill” jamoasi darvozaboni Luka Shevalye bilan shartnoma tuzilishi kutilmoqda.
Ayni paytda, “Manchester Yunayted” Donnarummani o‘z safiga qo‘shib olish bo‘yicha asosiy da’vogar hisoblanmoqda. Bu haqda Corriere dello Sport nashri xabar berdi.
Ma’lumotlarga ko‘ra, ingliz klubi vakillari yaqinda futbolchining atrofidagilar bilan muzokaralar o‘tkazgan. Transfermarkt portali Donnarummaning bozor qiymatini 40 million yevro deb baholagan.
Shu tariqa, Donnarummaning kelajagi ochiq qolmoqda. Unga nufuzli klublardan takliflar bor va yaqin kunlarda uning yangi jamoasi nomi aniqlanishi kutilmoqda.
PSJ esa yangi darvozabon bilan kuchini mustahkamlashga harakat qilmoqda.
