Galatasaray futbol klubida Alvaro Morata atrofida kelib chiqqan muammo jamoa ichida keskinlashmoqda. Bu haqida Euro-football.ru xabar berdi.
Hujumchi hozirda Milan klubidan ijaraga olingan. U jamoaning navbatdagi mashg‘ulotiga kelmadi va hozirgacha Ispaniyada qolmoqda.
Morata Turkiyaga qaytmagan. Ichki manbalarga ko‘ra, 32 yoshli futbolchi boshqa klubga o‘tishni istamoqda va ayni paytda Komo jamoasiga ko‘chib o‘tish niyatida.
Biroq Galatasaray klubi uni o‘z ixtiyoridan chiqarmoqchi emas. Klub rahbariyati ijara shartnomasini bekor qilish uchun tovon puli talab qilmoqda.
Ular bu miqdorni olmasdan futbolchini boshqa jamoaga o‘tkazishga rozi emas. Galatasaray Milan klubiga shartnomani tuzishda olti million yevro to‘lagan va aynan shu summani qoplashni istamoqda.
Morataning Galatasaray klubi bilan tuzilgan ijara shartnomasi 2026 yil 20 yanvarga qadar amal qiladi. Hozirda futbolchining kelajagi hamon noaniq bo‘lib qolmoqda.
Shu sababli klub va futbolchi o‘rtasidagi vaziyat qanday hal etilishi hozircha noma’lum.
