Strepetov: Glushenkovga tinchlanib, avvalgidek o‘ynash kerak

Sobiq “Zenit” futbolchisi Aleksey Strepetov “ko‘k-oq-moviylar” yarim himoyachisi Maksim Glushenkov va bosh murabbiy Sergey Semak o‘rtasidagi mojaro haqidagi mish-mishlarga izoh berdi. Bu haqida Euro-football.ru xabar berdi.

Ma’lum bo‘lishicha, “Zenit” bosh murabbiyi Sergey Semak “Rubin”ga qarshi o‘yinda Maksim Glushenkovni tanaffusda almashtirgan. Ba’zi ommaviy axborot vositalari ushbu holatdan so‘ng Semak va futbolchi o‘rtasida tushunmovchilik yuzaga kelganini xabar qilmoqda.

Aleksey Strepetovning so‘zlariga ko‘ra, Maksim Glushenkov so‘nggi o‘yinlarda o‘zini yaxshi ko‘rsata olmadi va uning harakatlarida ayrim xatolar kuzatildi. Shuning uchun murabbiy uni almashtirishga qaror qilgan.

Biroq, Strepetovning fikricha, Glushenkovda yaxshi futbolchi bo‘lish uchun barcha imkoniyatlar bor. Unga faqatgina tinchlanib, avvalgi o‘yin darajasiga qaytish kerak.

Bugun, 30-iyul kuni Glushenkov jamoasi Rossiya Kubogida o‘z ishtirokini boshlaydi. “Zenit” “Axmat” jamoasiga qarshi maydonga tushadi.

Uchrashuv Toshkent vaqti bilan soat 22:45 da boshlanadi.