Diveyev: Dzyubaga qarshi o‘ynash nega qiyin?
CSKA futbolchisi Igor Diveyev nega futbolchilarga hujumchi Artyom Dzyubaga qarshi o‘ynash qiyinligini tushuntirdi. Bu haqida Euro-football.ru xabar berdi.
Diveyevning so‘zlariga ko‘ra, Artyom Dzyuba tanasi bilan juda kuchli harakat qiladi. Agar futbolchi to‘pga harakat qilmoqchi bo‘lsa, Dzyuba tajribali hujumchi sifatida aynan shu paytda unga tanasi bilan to‘sqinlik qiladi.
To‘p yerga tushayotgan vaqtda esa unga qarshi kurashish deyarli imkonsiz bo‘ladi. Diveyevning fikricha, Rossiya chempionatidagi ko‘plab hujumchilar bunday o‘ynamaydi, biroq Dzyuba bu uslubni yaxshi biladi va doim qo‘llaydi.
Shu sababli unga qarshi maydonda harakat qilish og‘ir kechadi. Hozirda 36 yoshli Artyom Dzyuba “Akron” jamoasi sharafini himoya qilmoqda.
Tajribali hujumchi joriy mavsumda ham o‘zini ko‘rsata oldi va “Sochi” darvozasiga gol urdi. Tol’yatti shahri jamoasi Rossiya oliy ligasining dastlabki ikki turida to‘rt ochko jamg‘ardi hamda hozirda turnir jadvalida ikkinchi o‘rinda bormoqda.
“Akron” navbatdagi uchrashuvini yakshanba kuni, 3-avgustda, o‘z maydonida “Spartak”ga qarshi o‘tkazadi. Ma’lumki, yoz boshida Artyom Dzyuba “Akron” bilan shartnomasini yana bir mavsumga uzaytirdi.
