Galatasaray futbol klubi rasmiy ravishda hujumchi Viktor Osimhenni Napoli klubidan sotib olganini ma’lum qildi. Bu haqida Euro-football.ru xabar berdi.
Klub matbuot xizmati 26 yoshli futbolchi bilan shartnoma imzolanganini e’lon qildi. Nigeriyalik hujumchi Istanbul jamoasining yangi futbolchisi sifatida muxlislarga tanishtirildi.
Viktor Osimhenning transferi Galatasaray klubiga 75 million yevroga tushdi. O‘tgan mavsum futbolchi ushbu klubda ijarada o‘ynagan va 41 o‘yinda 37 ta gol urib, 8 ta samarali pas bergan.
Bu ko‘rsatkichlar orqali u jamoaning asosiy hujumchilaridan biriga aylangan. Viktor Osimhen 2020 yildan buyon Napoli klubi tarkibida to‘p surgan.
U italiyalik klub safida jami 133 ta o‘yin o‘tkazib, 76 ta gol urgan va 18 ta golga assistentlik qilgan. Uning Galatasarayga o‘tishi jamoa uchun muhim voqea bo‘ldi.
Klub rahbariyati va muxlislar yangi futbochidan yuqori natijalar kutmoqda.
